جتني على صدر البشاير وانا جيت
الملم ضلوع التفائل بيدها
مريت نبض اهات صدري وناديت
برق الكلام اللي يسابق رعدها
يا هيه؟ ياللي قبل خابرك عييت
ارخص ترى مالك ثمن من بعدها
وبلون صارت قبلها كم تمنيت
لا قلت : وش تصير لوني بعدها
شب السوالف عنك والا انت شبيت
وذوّب جليد الصمت واشعل بردها
توي لقيتك ي أولي توي دريت
ان اخري بيضيع لو ما وجدها
هي ذنبي اللي ما سجد يوم سميت
بسم الغرام ، اثره بسر يعبدها
هي مغفره في وصلها جيت صليت
عفو الحضور اللي غيابي سجدها
هي جمرها يفهم رمادي لا طفيت
هي بردها صالي ضلوعي خمدها
يا هيه شب دلالها < لا تقهويت>
اخلص ترى فاح الكلام وقصدها