[االعدهي الرشيدي]

اتمنى تنال اعجابكم ورضاكم...

يامترف الطبع راجع كم بلغ سنّـك
تراك مقبـل علـى بحـر الثلاثينـي
يعني لـك سنيـن واشواقـي يضمنّـك
ماكنّها يوم واحد فـي نظـر عينـي
عزّ الله إنـك عديـم اوصـاف ومحنّـك
لكـنّ ماهـوب مـن طبعـك تجافينـي
أخلفت ظنّي وانا باقي على ظنّـك
يمديك تلحق على الباقـي ويمدينـي
قصّتك قصه غريبه والغريـب إنّـك
نسيت عهد الصداقه بينـك وبينـي
يوم إني أدرى على خاطرك واحنّك
واصابحـك بالغـلا وانتـه تماسينـي
اليوم حاول عسى أطيافـي يجيبنـك
وتشوف طعنة خناجر غيبتـك فينـي


تحياتي

الموضوع الأصلي: يامترف الطبع راجع كم بلغ سنك...؟؟؟ | | الكاتب: االعدهي الرشيدي | | المصدر: شبكة بني عبس