عزاه يا قلبٍ .. شكى لوعة الضيـق
حده زمانه .. و .. المصايب تحوفـة
الجرح .. كسـر يابسـات المعاليـق
و الضيم ساطي .. و .. البلاوي تلوفة
جرحٍ عطيبٍ .. فالظلـوع المغاليـق
مقيم له عامين .. في وسـط جوفـه
كن الفضا .. ضايق به الكون و يضيق
حتى نهار الكون .. عـزم كسوفـه
فنجال هم و غم .. و دلة و أباريـق
واجب ضيافة دمع .. ولا به كلوفـة
يا وجد حاله .. وجد يا بلـة الريـق
و حالة ردية .. و .. الظروف معسوفة
يم الفرح .. كل المشاعـر مشافيـق
و الضيم قدامـه .. بعينـه يشوفـه
وده يفيق .. مير يـا كيـف بيفيـق
لكن على ما قيل .. ما هوب حوفـه
يالله يالمعـبـود .. رب المخالـيـق
تفرج عن اللي .. ضيقت به ظروفـه