[شموخ رشيديه]

شكواي للي عالم خافي الأسرار

مالي غيره أشتكي ودمعتي تستبيني

قلبي ماهو بيدي يحب ويختااار

وبيد اختياره صار عبد سجيني

دايم الدوم ساهي الفكر ومحتار

أحاول أخفي دمعي وأخفي حنيني

ولاحد بعاذرني على كل ماصار

مع ان عذابي يفضحه دمع عيني

اشتاق للي ولع بقلبي النار

اشتاق له وابيه وادري يبيني

اشتاق له شوق الصحاري للأمطار

وش حيلتي والقلب عنده رهيني

غالي وله بالود مقام ومقدار

فداه روحي وعمري وباقي سنيني

أخاف طبع الوقت مقفي وغداار

ماأرتاح لين يديه تصير بيديني

على خطاه أعطيه العذر كل الأعذاار

بس ماأشوفه زعلان وحزيني

من الهوى ليه أخاف وأغاار

أخاف يجرحه وش يصير فيني

حتى الجفا والنوم كن بينهم ثاار

غلاه حايل بين راحتي وبيني

بدربي مكتوب القاه رمته الأقدار

بظل أحبه لو يقول أتركيني

تطلع لي الشمس وأنا ليلي سهاار

ابيه قبل أمووت بغلاه يجيني

وأن كان وصلي له يحرج لايحتااار

ببعد وأحبه بين نفسي وبيني




أتمنـــى تعجبكـــم تحياااتي

الموضوع الأصلي: فــدااه روحي...وباقي سنيني !!!! | | الكاتب: شموخ رشيديه | | المصدر: شبكة بني عبس