اخوتي في شبكة عبس
اولا اتاسف لكم على التاخير والدنيا مشاغل ولكن كسرناها ولحقناكم ولله الحمد.
وهذا هي اقصيدة ولاهي قصيدة ان لم ترتقي لذائقتكم فانا حديث العهد بكتابة الشعر وقديمه بالذائقة اتركم معها...
جعل السحاب اللي معه برق ورعود=يمطر على دارن وليفي سكنها ))
وجعل الربيع في ديرته يكرم الذود=وترف فتلات النفل في وطنها
شرفان الصدر كذا مكسور ، فلو أبدلته إلى (جعل الربيع بديرته يكرم الذود)كان أستقام الوزن معك
بيت جميل كاملاً.
نور القمر طول الشجر ريحة العود=هذا ترى ياخوك شي من فتنها
الصدر ممتاز وتشبيه ممتاز،العجزمكسور
وأنتقالك من البيت الأول إلى البيت هذا غير مناسب !
اطول نساء الارض في حالة قعود=هذا الزمن ياحمود والله زمنها
الصدر مكسور ،العجز سليم
ملهوفة السرجوف كل شي محدود=ياسعد عين اللي في قربه ضمنها
البيت مكسور كاملاً.
عجز البيت أبدله غلى (ياسعد عين اللي بقربه ضمنها)يستقيم الوزن.
وانفاسها والله ازهاير وورود=وعفيفة مابه ابد من حضنها
البيت سليم من ناحيةالوزن ، لكن عجز البيت ضعيف جدأً.
من لابتن دائما تسابق على الجود=من هيلها لاتمرها لا سمنها
بيت سليم ، وتمنيت أنك غيرت العجز!
ياحمود قلبي ينفطر ايه يا حمود=لاشفتها تبكي وتزيد ابشجنها
ماقدر اكفكف دمعها بيننا حدود=خمسة متر ما بين رسني ورسنها
بيتين جميلان، ولكن عجز البيت الثاني غير مناسب من ناحية الوصف ، الرسن معروف من يكون له لايناسب للأنسان.
ويالله انا طالبك يا خير معبود=انه يكون في وسط بيتي سكنها
كذلك تكرر عندك الخطاء السابق في العجز.
أبدل العجز إلى (أنه يكون بوسط بيتي سكنها) يستقيم الوزن
أما الصدر ممتاز.