هاذي مشاركتي وسموحه
على التاخير
قصايدي مثل الذهب دوم ياحمود=تكتب لمهره في يميني رسنها
مورودت الخدين وعيونها سود=والزين من دون الخلايق زبنها
زودن على هاك الحسن خلق محمود=اخلاق مع زينن وليي قرنها
لا شفتها سجيت ريانة العود=في رسمة الحاجب وفيها ومنها
من دونها محجر ومن خلفها جنود=والموت برك ناقته في وطنها
هذى علوم القلب والضيق ياحمود=سبة هوى اللي روح روحي ظمنها
وجعل السحاب اللي معه برق ورعود=يمطر على دارن وليفي سكنها