[شموخ رشيديه]

رمتني أقدار رب الكون على ساحل ألم وأحزان..

رمتني وأتعبتني حيل عن الغالي وعن ظلاله...

أنا مقدر أفارقه وأفارق صوته الرنان..

ولا اقدر اطالعه ظروفي تمنع إطلاله....

وهمي لو تشيله أرض هزت فوقها البنيان..

وحزني لو يشيله كون هدت باقي جباله..

كفاني ياحزن تكفى تراني في النهايه إنسان..

لا أقوى ولا أتحمل حزين وحالتي حاله...

حالي يكسر الخاطر وهمي كسر الجدران..

وقلب بالحزن متروس ودمعي اصغر عياله..

أبتصبر ولا أقدر وقلبي مسكنه نيران..

لوعه حب بقلبي هزت فيه زلزاله...

مجرى الدمع على وجهي يرسم لوعه الحرمان

ويستغرب عيون الناس لين الدمع ماجاله...

أنا والحزن والدمعه على مر السنين إخوان..

وفرحي مايحس فيني ولا أخطر على باله..

أنا ماظنتي افرح وقلبي مفارق الخلان..

مدام الحزن متشتت صعب أمطاري ينهاله..

وحظي آآآآه ياحظي ماقدر لان ماقد بان..

دايم عابس بوجهي ويقهرني على باله..

وهمي آآآآه ياهمي يحاربني وهو الكسبان..

ويجع شله الأحزان وبها قلبي لحاله...

سؤال..؟أكرره دايم متى ينادوني الفرحان..

متى نلقى أحبتنا ونشرب وقتها بياله..

متى الحظ يضحك لي؟ ونسمع أجمل الألحان

متى نفرح ..؟ متى نضحك..؟متى نفارك هالحاله




.

الموضوع الأصلي: كفاني ياحزن تكفى ترى في النهايه إنسان...!! | | الكاتب: شموخ رشيديه | | المصدر: شبكة بني عبس