[رياح الشرق]

بخيت ؛؛؛؛؛؛؛؛؛

سلام رديتن تشرح صدور الرجال =بالحفله اللي توسع صدر من زارها

حنا حضرنا على الميعاد ياهل الشمال=نبي نشوف الرجال وناخذ اخبارها

ناصر؛؛؛؛؛؛؛؛؛


يامرحبا ردتن تطلع طلوع الهلال=الرده اللي تشب النار من نارها

يالله عسى باهل ينبع صدرن وبال =وليا جمعنا السوالف تاخذ اخبارها



بخيت؛؛؛؛؛؛؛؛؛؛


وقت الشري تشتري بجنيه ولا ريال=وش كثر مكسبك مع طيبه وتجارها

حنا رجالن مالفينا على طيب فال=ناخذ يمين الدروب ونترك يسارها



ناصر؛؛؛؛؛؛


اليا كسبنا كسبناها بكسبن حلال=وليا جمعت البضايع نعرف اسعارها

الله وكلك في دنياك روح وتعال=وليا لبست البريهه وازن اشعارها



بخيت؛؛؛؛؛؛


قبل تطيح العمامه مايطيح العقال=ونكان قدمتها نعطيك مقدارها

الله وكلك بالدنيا على كل حال =لا تخبط الارض يعمي عينك اغبارها



ناصر؛؛؛؛؛؛؛؛؛؛


صعبن تزول الطبايع لو تزول الجبال=نبي نعمر القصور ونشعل انوارها

نيت بنادم لياشانت تشين العمال=والطائره عيبها من عيب طيارها


بخيت؛؛؛؛؛؛؛؛؛؛؛؛


طبوعنا بالمعزه والوفاء والكمال=وطبوعكم مدري الله يعلم اسرارها

مخرب قلوب الاوادم غير قيلن وقال=شاور ثقات الجماعه وسمع اشوارها



ناصر؛؛؛؛؛؛؛


ماذمكم ياجهينه ياكرام السبال=وطبوعنا طيبه ووحيتم اذكار

ياصاحبي مايشيل الحمل غير الجمال=ماودنا اجمالكم تبرك على ازوارها


بخيت؛؛؛؛؛؛؛؛


العام خيلتلي صوب المدينه خيال =شفنا المخيله لكن ماطاحت امطارها

واجمالكم يوم تبرك للحمول الثقال=ماتقطع دروبها لا طالت اعمارها



ناصر؛؛؛؛؛


ليت المخيله سبقها البرق والسيل سال=حتى تزين البلد ويزين مخضارها

من وين مارحت تلقى في طريقك عيال=تقصر شبور العيال وتافي اشبارها


بخيت ؛؛؛؛؛؛؛


وش حيلتك كان ما حصلت راس مال=تقص الاشجار والا تقطف اثمارها

ونكان حصلتهم جبت المرس والحبال=واقصر ايدين الهزالا لعنبو دارها


ناصر,,,,

اشرب من البن والمسمار جوف الدلال = لا تشرب الدله اللي ينقص بهارها

يوم التقينا مابين اكثارها والقلال = نفسن تعرف المذله ينلعن عارها

المحاوره طويله عندي في شريط راح انزلها كامله فيديو
سلموووو

الموضوع الأصلي: طاروق ناري ناصرمرسال = بخيت السناني | | الكاتب: رياح الشرق | | المصدر: شبكة بني عبس