تدور الساعه وتمضي ....؟؟؟
تدور الساعه وتمضي واراجع بعض مافاتي = وراجع كل مايطري على بالي بساعتها
اخاوي هاجس مسافر اجمع كل آهاتي = ارتبها بفكري لين تستاهل كتابتها
تسابقني رياح العمر وتسبق كل خطواتي = اداري عن عيوني لايتبين زيف لعبتها
اسلي هاجسي بعض السوالف من خيالاتي = اعيش السالفه واحلم واصدقها بكذبتها
تمادت شرهة المظلم بلحظة نوم الاصواتي = تطاول بالظلام من الغياب لحين طلعتها
دعى كل النجوم وقمت اعلمها بشرهاتي = اعاتب هاك الايام ولياليها وقسوتها
تركت الغايب المقفي بجولاتي وصولاتي = لعله يدرك اوساط الحياه اوهي نهايتها
تدور الساعه وتمضي ولاترجع لي اوقاتي = واراجع جملة ابيات القصيده من بدايتها
وسلامتكم وتقبلو اطيب تحياتي ،،،،
خالدالقلادي الرشيدي ،،،
آخر تعديل بواسطة برق الوسم ، 09-04-2009 الساعة 09:35 PM.
السبب: تعديل املائي طفيف
|