اقتباس من مشاركة فلسفة شاعر
مبروك يا عمدة بني عبس مبروك = انته تجمل منصبك يالسنافي
عز الله انك كفو يومن حطوك = ياللي تحت يدك تغطرف قوافي
اهديك باقات ٍ بها المسك مشروك = وانته سوات الغيم تروي الفيافي
مشراك غالي كان به ناس باعوك = يرخص كثير المال من شان وافي
وسلام ياناصر خنيفر ومبروك = واسف اذا قصرت في نظم قافي
|
فلسفة شاعر شكرا ياسيدي واسمحلي اقول
الله يعز اللي على الطيب ربوك = الحي واللي حط فوقه لحافي
وفيت بالواجب ولاجابك اشكوك=ياسلسلت مرشد وصقر النصافي
وبابك عن الضيفان ماهو بمصكوك = لو ماعرفك علمك مع الناس كافي
يضحك حجاج اللي من البعد وصلوك= اللي من الدنيا عليهم خلافي
لاحل ذكرك نوخو ماتعدوك = يوم الوسيله مقلمات الخفافي