بسم الله الرحمن الرحيم
السلام عليكم ورحمة الله وبركاته
هذه المحاروة بين الشاعر أبوعوجه والشاعر شاعر الوطن
ابوعوجه
مبروك ياناصر خنيفر كبير البخـوت=الله يعينك على الاعوج مع المنصبي
من عقب رعي الغنم وسواقتك للفروت=اليوم صرت المراقب لشعر ياصبي
شاعر الوطن
ناصر خنيفر ترا ما لبسوه البشـوت=ون كان صح الكلام اللي حصل بشنبي
المسك قرن الغزال العنبره كبد حوت=وختار يا صاحبي اياتها اللي تبي
ابوعوجه
ناصر خنيفر من كبار العرب والبخوت=يوم الفعايل وضد الاجنبي لاجنبي
الحنضله حنضله ماتخلط بعنز روت=ترى الذكاء لذكي والا الغباء للغبي
شاعر الوطن
ونعم لكن قول الحق مابـه سكـوت=بالكذب والزور يا رجال وش مكسبي
ترا الصفات الحميده بالعرب ماتموت=درب الهدايه على الشعار ذى مطلبي
ابوعوجه
الحق من بيت شيخه من كبار البيوت=أفهم كلامي ترى منت أعجمي ياعربي
مريت ديرة عرب فيها لجاجه وصوت=ودخلت في مذهبٍ ماهو مثل مذهبي
شاعر الوطن
يالله طالبك يا خـلاق درب الثبـوت=وتهدي جميع الخلايق واللعين ايهبي
ابنشدك عن خبر ياعويج منه امغموت=اللي نزل مثل صاروخٍ طري لولبي
ابوعوجه
اطلب من الله يوسعها الك عقب الخبوت=الفوت لا فات ماينفعك لو تقنبي
ياراعي الولب اللي داهنته الزيوت=انته لياشفت الاعوج لاتقوم تحبي
شاعر الوطن
الي يشوت الاوادم كيف يقدر يشـوت=ما معه قوه ولكن شاتها مختبي
اترك هل الشعر والمعنى ورح للبلوت=يمكن يحالفك حظك تاكل وتشربي
ابوعوجه
اعطيتك الكرت الاحمر من ثلاث الكروت=وأكلتها زين من كفي ومن مخلبي
حصلتك ضربةٍ على عروق السبوت=ومن بعدها لبو عوجه انتبه تقربي
شاعر الوطن
انته على الشعر والشعار صرت امفلوت=ياقليل المعرفه منزلك تحت اركبي
لاضاع مالك ترا أفضل عليك السكوت=اقرا علوم الجماعه مير لا تكتبي
ابوعوجه
أظاهـر انـك تدورهـا يـراع الحفـوت=رجليك رفعتها اليله على منكبي
من كبر عينك اليا فتحتها يانحوت=يدخلبها الموز والتفاح والحبحبي