قبيلة بني رشيد - وجد اليتيم

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - وجد اليتيم (http://ban3abs.com/aa/showthread.php?t=98430)

وجد اليتيم

يقول من ذاق العنـا والمصايـب = قاسى من الدنيا التعيسة كدرهـا

شاف القهر والضيم ويا العجايـب = لوعتـه الدنيـا بلوعـة قهرهـا

احس وسط الجوف نـار لهايـب = وعيني تقاسي ويلها من سهرهـا

وهمي بوسط القلب مثل السحايب = واثقل من هضاب الجبال وصخرها

واون ونة مـن جفـوه القرايـب = خلـوه للدنيـا يواجـه خطرهـا

حاله ضعيف وطاعن السن شايب = رجله على درب المذلـة جبرهـا

على الـذي والله للقلـب صايـب = من دون كل البيض روحي سحرها

عروق حبه في حشايـا نشايـب = وبأعلى بروج القلب كامن خطرها

حبه يلوف القلب لـوف الهبايـب = للشجرة اللي تـو طالـع ثمرهـا

وجدي على لاماه سيـد الحبايـب = وجد الحنون اللي ولدها هجرهـا

وجدي على قربه بليـا صعايـب = وجد اليتيم اللي دموعـه نثرهـا

وجدي عليكم يا عزيـز النسايـب = وجد الـذي بيديـه أمـه قبرهـا

وانا غرامك عنـه مانـي بتايـب = يبقى معي طول السنين ودهرهـا

منساك لين يحط فوقـي نصايـب = ويعلن فراقي عن حياتـي قدرهـا

منقوول

إقتباس:

وهمي بوسط القلب مثل السحايب = واثقل من هضاب الجبال وصخرها

واون ونة مـن جفـوه القرايـب = خلـوه للدنيـا يواجـه خطرهـا

رائع

يعطيك العاافيه .

إقتباس:

وهمي بوسط القلب مثل السحايب = واثقل من هضاب الجبال وصخرها

واون ونة مـن جفـوه القرايـب = خلـوه للدنيـا يواجـه خطرهـا

هذا ينسما بيت القصيدة بيض الله وجهك ع النقل وقمة صراحه

وهمي بوسط القلب مثل السحايب = واثقل من هضاب الجبال وصخرها
الله الله على الذوق في الانتقاءجميل ماخترت لنا من ابيات
صح الســـان شاعرها وصح ذوقك واختيارك دائما متميز بماتقدم
من قصائد مختاره لاهنت