على ذكرى الزمان الي مضالي
 

على ذكرى الزمان الي مضالي هل دمع العيـن

تذكـرت السنيـن الاولـه والدمـع همـالـي

يلج ابداخلي ذكر ربوعـي والزمـان الزيـن

وفكري من هموم القلب وصدوف الزمن خالي

يورى في عيوني مجلس الشايب وبيت الطيـن

مداهيل الرجال الـي لهـم بالطيـب منزالـي

مجالسهم مجالس لشجاعـة والكـرم والديـن

تنومس راعـي الطالـة وتغبـن كـل بطالـي

ماهي مثل المجالس ذا الزمان الي قبوله شيـن

مغير السالفه وسط السياسة واسهـم المالـي

اخذت ابسجتي ساعة بعد مافقت مدري ويـن

زواني هم قلبي عقـب جيـت الـدار بلحالـي

غدت عيد النخل صرعا وطاح السور والبرجين

تصدع وانهدم جنبـه وزرنـوق اللـزا مالـي

ولاباقي سوا السدرة والاثله تبكـي الماضيـن

مع البركة وبرجستـن حديـد مصـدي بالـي

.تكلم عن زمان راح يوم المد عـن عشريـن

تريد ابه الثنا مـادورت بـه قـرش وريالـي

زمان راح مايمكـن يعـود ودق فيـه البيـن

انا مالي سوا الذكرى ولوهـي كـدرت حالـي

الايادار ويـن اهـل الكـرم والابـة الوافيـن

صورهم في عيوني وايـن ماوجهـت تبرالـي

الاياوقتنا الي سم حالي فـوق عشـر اسنيـن

على فقد النشامـا كـل غالـي يتبعـه غالـي

بكيناهـم بدمـع حـرق الجفيـن والخـديـن

ولوكـان البكـا مـارد لـي عمـي ولاخالـي

انا وقفت من فوق القبر عقب العصر ياحسين

علامة الحزن فوق الوجيه وصـرت مهتالـي

اسولف مع هجوسي وانشد الخاطر بحين وحين

زمان اول لحقتـه صـدق ولا هـو يورالـي

بكينهم وحنـا نـدري انـا عقبهـم ماشيـن

تـر دنيـا الفنـا ميقـاف منـزال وترحالـي

الا يالايمي خـل الملامـه واتـرك التخميـن

انا شاعر واعبر عن شعـور دق فـي بالـي

صح السان شاعرها

ويعطيك العافيه على النقل

؟

زمان راح مايمكن يعود ودق فيه البين انامالي سوى الذكرى ولوهي كدرت حالي-شكرالك على النقل المميز-كان ودي اعرف مين الشاعر-موفق اخوي

صح لسآآآآآآآآآآنكــ بيض الله وجهك على النقل المميز يا الغلأأأأأأأأأأأ

صح لسان شاعرها

ويعطيك العافية ع النقل