قبيلة بني رشيد - فمان الله

تفارقنا وصرنا يـا حياتي بالزمـان أغـراب
وتاهت في دروب الشوق يا عمـري خطاوينـا

تفارقنا ولا ندري عـن الفرقـا وش الأسبـاب
ظروف الوقت..! وإلا خانت أحكـام القـدر فينـا؟

عمري يا بعد كل الحضور ويا بعد مـن غـاب
ترى لـو عانـدت دنيـاي مـا و الله تنسينـا

أكيد إنـا تفارقنـا ولكـن مـا نـزال أحبـاب
سكن فينا غلاك اللـي علـى بعـدك يواسينـا

عمري لك حبيب ٍ من صواديف الدهر ما هاب
خذا من حبك حزامه ومن صبـره بنـا مينـا

على ذكرى سنين الحب لو شاب العمر ما شاب
ولو ملت سنيـن العمـر لـك الله مـا تعنينـا

أعيشي بغربة أحزاني أصارع لوعتي منصـاب
إذا مرت مع الذكرى نسا يم شوق مـا ضينـا

لك الله يا روحي في حضورك كل شي طـاب
جروح الوقت في قربك تطيب وتذبـل سنينـا

أدور للأمل ذكرى وأكيد أن الأمل مـا خـاب
عسى الله ما يخيب فيك يـا عمـري رجاوينـا

تذكرتك وأنا ساهي .. وذكرتك والهوى غلاب
تذكرت الطريـق اللـي علـى بابـك يودينـا

فمــــــان الله يا أجمل من عرف قلبي من الأحبـاب
يا أطهر قلب حبيته .. وأغلــــى من سكـن فينـا

منقووووووووووووووووووووووووووول