قبيلة بني رشيد - التمرد على الشعر والاعجاز بين العلم((سهل نافع)) وشاعر اهل الغار((عادل الذيابي))

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

التمرد على الشعر والاعجاز بين العلم((سهل نافع)) وشاعر اهل الغار((عادل الذيابي))

عندما تلتقي العمالقة يكون للقاء رونق آخر ونفحات طيبة,,,
خاصة عندما يكون اللقاء بين رواد الشعر ومعلميه,,,

وانا الان انقل اليكم لقاء نادر جدا وقليل ان يولد مثله,,,
لقاء بين ,,
العلم سهل بن نافع المهيمزي,,,
وشاعر اهل الغار عادل الذيابي,,,
لن اطيل عليكم لانكم ستستشفوون ذلك التمرد السحري وتعرفون ماهية طغيان الشاعر على عرش الحرف,,
ابيات اتسمت بالروعة والايجاز الذي قد قل في عصرنا ان لم يكن قد زال00
اليكم اولا قصيدة العلم,,,
وهي مهداه/ من الشاعر / العلم / سهل المهيمزي
الي الشاعر / الكبير / عادل الذيابي

يامداد الشعرعطني من وفاك شويه =كاس كيفي في يمينك والخفوق مهاوي
والله اني مخطر ٍ فالنوبه القلبيه =كان ما انعشته بجرعة طبك البرماوي
النعش عندك وجيتك حامله بيديه =عن شحب قصر النظير ووجه ذيبٍ عاوي
جيت لك ماباقي ٍ لي بالصمود بليه =للخلى وحشة جفافه والهشيم الخاوي
بين حادي شوك وديانه وناب الحيه =مالقيت لعمق جرحه باالزمان مداوي
جيت يمك ياطبيبي علتي عصريه =كاوي ٍ قلبي من علوج التخلف كاوي
فارق ٍ لوني عن الوان البشر موليه =منعزل كلي وباسي للطموح فداوي
جيتلك من حرق هاجوس ٍبحث خافيه =يوم منك نساقلي طيب البخورالجاوي
ماطلع نوري وحسناتي تسجل سيه =كيف يطلع تحت هيبة ليلي الظلماوي ؟
لو سهى رمشه عن المشرق وراه الفيه =كل خرم ٍ ينبثق به نور دونه ضاوي
لو سألته قال لك يكفيني اللي فيه =الرجاء والياس عندي بالهوى متساوي
ما تثورني من احساس الهزل رجليه =من معاصيّ الكثار وديني الجنفاوي
ملتي ماهي برجعيه ولا شيعيه =مذهبي ماهوب لا غربي ولا شرقاوي
ولا تنازل للخضوع اجيوبي الانفيه =لو يلين الضلع مالان الصمود الغاوي
ساعة الارياء الصليبه لاعقدت النيه =تلتوي مثل المريره في يدين الشاوي
وانت ياعادل طبيب السكته القلبيه =يالذيابي جيت يمك والخفوق مهاوي

هنا يقف عادل ليستلهم قواه الشعرية ويتربع على عرش القاف ليرد على تلك الموشحة الخلابة,,,

ياقصيدي من جديد أفكاري الشعريه =صب لي من دلة الإعجاز حرف يداوي
لين أكيّف خرمة المعنى من القافيه =وكل حرف"ن" يارد المعنى يصدّر رواي
قم تربع فوق عرش أوزاني العبسية =وأقدح الجزلات والمعنى بصدر الراوي
الحجازي مايسوم الفكرة السطحية =منهجه عكس إمتداد المنهج النجداوي
والهجوس اللي حدت فكري على الردية =شدّها جزل القصيد بمنهج السهلاوي
جت تقول يسوقها جني ولد جنيه =كل مامالت خشع فكري وقمت ألاوي
أجمل ابيات القصيد اللي يجي عفوية =قدح شاعر له مع الغاوين شاعر غاوي!!
شاعر"ن" ساق الدروب وخصّني بالجيه =والله انه محترف بالشعر ماهو هاوي
مد لي كف القصيد..وقلت:يالله حيّه =حي نبراس القصيد اللي يجيك مساوي..!!
وقمت ارحب وافتخر بأهل القلوب الحيه =واعتزي واهل القلوب الميته للهاوي..؟
مرحبا بك ياسهل ترحيبة"ن" مثنية =عد ماتشرق شموس.. وعد نجم"ن" هاوي!
مايطيح سهيل..وأقطار السماء محميه =جعل نجم"ن"طاح في راس العدوالناوي
دون عزك والله انا لو نسوق الديه.! =ماترددنا نبي نأخذ براي مراوي
ماخسرنا ربحنا بالبيعه المشريه =وان شرينا ..جزلها .. عن هزلها والثاوي
جيت يمي والرياح الذارية عكسية =والصدور قبور .. وعلوج الزمن ماتاوي
والضمير المستتر بالجمله الفعليه =في محل اعراب منصوب"ن"عليه..مخاوي!!
سود الله وجه راع النيه الملويه =ولارحم فيها صغير ولاكبير لحاوي.!
والزمان يدور والاقزام هيه ..هيه =لاتقول.. ولاتطوول .. ولاتساوي ساوي.!!
والعلوج اللي مضى مامورة"ن" منهيه =تحت عرش ابليس ميرابليس وش هو ناوي؟
تسقط الاحزاب .. لاشيعه ولاسنيه =ويرحم الله شيخنا "خطّاب" و"الزرقاوي"
والعقيدة "دين" لافقهي ولافقهيه =وفتنة التكفير سيستاني على قرضاوي
والنهاية في ختام الوصفه الطيبه =الله اقوى ياولد نافع ولاني قاااوي