داري بعيده ومسكني وسط الاغراب
وعزي لمن مثلي طوته الخلاوي
حزات انادي غربتي وسط الاسراب
وحزات أجامل جورها بالحراوي
أسامر القمرا بعبرات وعتاب
جرحي عميق مادرى به مداوي
وحدتني الغربه على ندب الاصحاب
أرضي خلا مادوجت به بداوي
عشنا وذقنا مبكياتن بالاهداب
ذعذاع نفاض الهوى بالحداوي
طاوي زمن هجر الاحبه والاقراب
دارن عقيمه ماسكن به جلاوي
أسكن بها لوهي ملاذن للأغراب
صالت علي معاندات الخطاوي
عزاه ياجرح من العام ماطاب
ربعي هل البيداء وكل العزاوي
واللي حداه من الزمن فوق كراب
شالو حمولن مايشيله فداوي
تربعوا وسط الجفن فوق الاجناب
عيال السيافا مبعدين الهقاوي
سم العداء نار الوغا طنب الاشذاب
ريف الزمن اللي من الوسم خاوي