سلام الله سلام ن في محل (ن) يحسب له حساب=محل ألاد عبس اهل الوفى والعز والهيبه
يقولون الرجال اللي حضر يكفي عن الغياب=وضلع طويق له مده طويله عوي(ن)ذيبه

هلايامرحبا ترحيبة تمشي بدون ثياب = تقدم لك هديه واللقاء نحسب محاسيبه

يقولون البلا فالسلعه اللي جابها الجلاب = ولكن ياهلابك ياولد من عقب هالغيبه

انا مشَره على زراق لونه يفك الباب=بوجه الضيف دام الضيف في حكمة معازيبه
الا ياعبس والمعنى يحول فوق ريش غراب=وياخذله على ماقيل تشريقه وتغريبه

اعرف انك وسيع بطان من ماض الدهر نصاب = لاشك الضيف هذا جاب للعازم مطاليبه

لاتطري عبس عبس اهل الوفا ياشايل الركاب = وخل السالفه تمشي على ماقيل بالطيبه

ابو مشعاب ماسميه بسم(ن)غير ابو مشعاب=لونك يابيض الشارب مابين الشك والريبه
قبايل عبس من عصر النبي وعصر بن خطاب=وابن شداد عنتر سيفه تـ نومس مضاريبه