النصح فات ولا يعادل بالأقيام=وأطلب من الله يحفظه في أدراجه
وقت به الناصح يعادونه أقزام=أعقولهم فيها خيوط ولزاجه
ناس(ن) إذا دققت تركيب هندام=هيكل بشر وزودهم باللجاجه
يفرح إذا شافك تحت غبر الأيام=لأنه كسب سلعه على من يواجه
يحط فوق السالفة طن بشمام=والزود قطعها بموس الخواجه
ثم التفت للخلف ما ينظر أمام=وهذي طبيعة وعلم لهل السماجه
ماني لهم صاحب ولا خلقت نمام=لو عشت طول العمر داخل زجاجه
أخير من جلسات وش قال من قام=وتفسير هرج الناس من دون حاجه
والبوم ما يرقى على الحر لو حام=مهما عطاه الوقت ترجع عجاجه
والذيب ما يرضى الاهانه به اعزام=لا شك يخدع فيه راعي أنعاجه
واختامها صلوا على أخر إمام=محمد إلي بالرسالة نواجه

لو عشت طول العمر داخل زجاجه
الله الله عليك قصيده راائعه بحق كل بيت صفق لما قبله اعجاب بمايحمل من معاني ساميه صح السـانك مليون ولايكفون هالنوعيه من الشعرهو مانحتاج اليه في وقت نسي البعض بعض الاساسيات في الحياه وبدلها بما لانفعي منه تقبل مرورر

اللهم صلي على محمد وعلى آله وصحبه أجمعين


صح اللسانك على الرائعه