وين أنت مدري وين غايب ولابنت=اعظم سؤال تشح معه الاجابه
،’
(حروة سنه) ماغير انا والسهر وانت=نتجاذب اطراف الحديث برحابه
’،
بيتك رحلت ومحتفضبه (ولاخنت)=داخل ضلوع ً مثل قوس الربابه
،’
بنيته بحبك وعشت وتمكنت=جدرانه ضلوعي والاشواق بابه
’،
(وماكنت احسب الدمع ينزل على بنت)=الين ما امطرتك سحابه سحابه
،’
تزين في عيني ولو ماتزينت=كن الحلا نوخ بجسمك ركابه
’،
يبين غيرك بس لامن تبينت=الغيت مفهوم الملل والرتابه
،’
بعدك عرفت وشفت وايقنت واعلنت=ان الليالي في غيابك تشابه
’،
عشقت واستوطنت واخفيت وادمنت=على السهر واخر حدود الكأبه
’،
وابشرك طيب واحبك كما كنت=لكن عليك اجر صوت الذيابه
،’
على حبيبك مانشدت وتطمنت=مدة سنه يقراك داخل كتابه
’،
(واجد فقدت وكل ما افقد تحسنت=بس انت فقدك مثل فقد القرابه)
،’
ودي قبل مانطوي الوصل لاهنت=تدري وش اللي كنت حاسب حسابه
’،
(الظاهر ان اسباب فرقاي انا وانت=دعوة كريم وصادفت وقت اجابه)

اقتباس من مشاركة المر العذب (المشاركة 1971960) (الظاهر ان اسباب فرقاي انا وانت=دعوة كريم وصادفت وقت اجابه)

واليوم قدمتهآ لنآ على طبق من ذهب

صرآحة عشت معهآ آجوآء خآصة

وابشرك طيـب واحبـك كمـا كنـت
لكـن عليـك اجـر صـوت الذيابـه
الظاهر ان اسباب فرقاي انـا وانـت
دعوة كريم وصادفت وقـت اجابـه
صح للسانك يالمر العذب أنت وشاعرها وبيض الله وجهك على الأختيار الراقي
وسوااالم ان شاء الله يالمر العذب ليته دعى بغير للفرقا يالمر
قصيدة مليئة بالأحساس الرائع
تقبل مروري

اقتباس من مشاركة رسام الغروب (المشاركة 1971984) المر العذب صح السانك ولسان شاعرها لاهنت على القصيدة الجميله

اقتباس من مشاركة ميلاس (المشاركة 1972042) ‎ قصيده رآئعه .. ‏ تسلم ع الآختيآر..