قبيلة بني رشيد

ياحبيبي طالبك لاتقول لا

مطلبي هين ولا هو بالعسير

ودي أسمع منك ياكل الغلا

كلمتن سهله ومعناها كبير

كلمة (أحبك) وتنطقها بغلا

تنتعش روحي ويرتاح الضمير

آه يا مقساك ياريم الفلا

ضايعن مابين بردك والهجير

لاتعذبني تراني مبتلا

في غرامك ياغرامي والنظير

لنت مبعدني ولا لي توصلا

ناشفن ريقي وأنا أشوف الغدير

أنت مرتاحن وقلبي مشعلا

أنت بالفيه وأنا وسط السعير

قلبي أختارك على كل الملا

ليش تهجرني وتتركني حسير

يوم قلبي جاك واعطاك الولا

مارحمته جيت في سيفن شطير

لا متى يازين وانته تبخلا

تحرم المشتاق من لمس الحرير

خاف ربك دمع عيني يهملا

روف في حالي ترى وضعي خطير

طالبك طلبه معي تتجملا

انطق الكلمه وحددي لي مصير

مما راقلي