قبيلة بني رشيد - البال مشغول وبه ما يكفيه

************************************************** ******************************
البال مشغول وبه ما يكفيه *** على همومي لا تزيد الهمومي

نار الحشى ماي البحر مايطفيه *** ياكنها لهّّّّاب حر السمومي

عهدٍ علينا لازم انا نوفيه *** سلم الرجال اللي فنت والقدومي

وحسابنا ناقف عليه ونصفيه *** ولا يجينا من وراء ذاك لومي

من كان له مثلي وليدٍ ويرجيه *** يوصيه لا يتبع رخومٍ وبومي

يبغيه رجلٍ ثابتٍ في مباديه *** يشفيه وان جاء له بخطوى لزومي

يوصيه لا يمشي بدربٍ يرديه *** يربى على **ب المراجل شمومي

وترى الولد يحمل مزايا من آبيه *** الحرّ ماباض الحدأ والرخومي

وترى الولد ي**ب سجايا مماشيه *** بين الردى والطيب هذا عمومي

خوّّّّّّة قليل الأصل للقرم تهفيه *** لو كانوا اهله طيبين العلومي

واللي كذوب بالحكي ما نصافيه *** ولا نحب اللي بطبعه نمومي

واللي يفرق بين مخلوق وآخيه *** واللي يفتش دايماً بالهدومي

واللي رفيقه لامرض ما يواسيه *** الا يسيبه و المقادير تومي

واللي بماله باخلٍ ما يزكيه *** من لذّته يموت وهو محرومي

واللي ليا خاوى يبوق بمخاويه *** والجاير اللي للخلايق ظلومي

واللي علامات الزهو والكبر فيه *** يشوف خلق الله ذبابٍ يحومي

اللي يخاويهم عليه المشاريه *** في سمعته لابد تاتي اثلومي

هذي وصيه كأنك تبغي توصيه *** وصه يماشي طيبين وقرومي

على النبي الهاشمي قولي انهيه *** صلوا عليه عداد تنشأ غيومي

************************************************** ********