سلطان
تعال يانواف قلي وش تقول=عطني خبر وانا معي وجهة نظر
لاتطول الموضوع وهات من الاخير=ومسيلمة كذاب ومحمد نبي
كانك من الحرة ومن ذيك النزول=ولا من اهل الضلع الاسمر والحمر
لا جاك علمي يارشيدي لا تطير=مسيلمة مسيلمة الكذاب ومحمد نبي
نواف
يالهاجري حنا العرب حنا الزحول=اهل الظفر والطيب شيخان وجبر
من روس عبس مروية حد الشطير= ومسيلمة كذاب ومحمد نبي
يازول ياللي ماتشابه كل زول=اطمر بحر وانقز بحر واطلع بحر
واللي يخلي عزوته مافيه خير=ومسيلمة كذاب ومحمد نبي
سلطان
ياقوم بن براك ماضين الفعول=اهل الشجاعة والمعرفة والظفر
عقب الشجاعة ما تدانون الصفير=ومسيلمة كذاب ومحمد نبي
ياسرع ماشكيت ياقلب معلول=يوم اطعموك شوي من الموت الحمر
اروغ من الدغلوب في جم الغدير=ومسيلمة كذاب ومحمد نبي
نواف
يقول تقول ياسلطان بالطيب وتطول=ربعك بني هاجر على شاطي بحر
انت الكبير وعصعص الدنيا الصغير=ومسيلمة كذاب ومحمد نبي
يااهل السمك يا اهل المعارك والخيول=نعمن بكم من باب فارس لاقطر
بعض الطيور المهاجره عيت تطير=ومسيلمة كذاب ومحمد نبي