قبيلة بني رشيد - والبعـض الاخـر كشختـه للمزاييـن يخـدع بهـا ذيـك البنـات العضيمـه

بعض العرب يسـوى عدالـه ملاييـن
مثـل الذهـب يشبـه جديـده قديـمـه
ماهو مـن اللـي رفقتـه يـوم يوميـن
هذا الرفيـق اللـي عسـى الله يديمـه
للطيب خـوّه ترفـع الـراس والعيـن
ولا الـردي فرقـاه عـيـد وغنيـمـه
اللي على كسـب الجمايـل حريصيـن
دامت شمـوخ اهـل القلـوب السليمـه
وليا تخلـوا عنـك نـاس(ن) قريبيـن
يجلـي همومـك والدمـوع اليتيـمـه
تنسى في قربه مامضى لك مـن سنيـن
كـل الهمـوم الحـاضـره والقديـمـه
وبعض العرب يسكت على الزين والشين
امثـال شخصـه يستحـق الحشيـمـه
شكلـه ماهـوب زيـن لاكنـه زويـن
في داخلـه بعـض الصفـا ة الوسيمـه
وبعض العرب حسنه اخذ كامل الزيـن
زينـن علـى مثلـه حـرام وضليمـه
في نضرتـه ينهـب قلـوب المحبيـن
يسلب عقـل اهـل العقـول الرخيمـه
ترى الرسايل تنقـري مـن العناويـن
لاتدنفـع بعـض العـواقـب وخيـمـه
والبعـض الاخـر كشختـه للمزاييـن
يخـدع بهـا ذيـك البنـات العضيمـه
يقـول انـا شيـخ ورصيـدي ملاييـن
والفلـس مالـه عنـدي اليـوم قيـمـه
مسكين قضى عيشته ديـن فـي ديـن
والكذب الاقشـر جاريـن فـي دميمـه
ومع الفقـر عنـده عجـوز وبزاريـن
وديانتـه وقـت الـرواتـب مقيـمـه
تطـرق ابوابـه تجعلـه بيـن أمريـن
امـا السجـن ولا حـيـاة الهزيـمـه
وبعض العرب من شافها قـال مسكيـن
مسكيـن طيـب والمضاهـر سليـمـه
يقتل ويركـع مـع صفـوف المصليـن
ولاكنـه اللـي قــام دور الجريـمـه
وفي داخله خبـث وجنـون وشياطيـن
يصبـح صديقـك والنهـايـه أليـمـه
وبعض العرب ودك على الخـد كفيـن
يتـوب عـن ضلـم البشـر والنميمـه
كنه صديـق وبالضهـر ألـف سكيـن
معـدوم ذمـه والمشـاعـر عديـمـه
اقولهـا مـره وعـشـره وعشـريـن
ولابغى شهـادة قولـة انتـي عضيمـه
اعطيـك كلمـه حطهـا بين(قوسـيـن
خذ الحكـم مـن نـاس قبلـك حكيمـه
واختامهـا مـنـي ورود ورياحـيـن
عطر يفـوح اطيـاب مسـك الختيمـه

الشاعره الذاهبه