قالـوا علامـك قلـت علمي هوايل ..؟؟
 

قالوا علامك قلت علمي هوايل = شيخ توفى من شيوخ القبيله
شيخ عريب من كبار الحمايل = نسل الرجال اهل الوفاء والنفيله
شيخ يحوش المرجله والجمايل= يفرح به اللي شاف بالوقت ميله
شيخ كريم من كرام السبايل = من خلقته ماقيل مد القليله
شيخ يعرفونه جميع القبايل= بالطيب والحكمة وعلوم الفضيله
شيخ لاصار العلم نقض وفتايل = حلال قالاتن عسيرة ثقيلة
شيخ ملك بالطيب بيض الفعايل = ينهي لزوم اللي في بيته يجيله
شيخ لاصار العلم قاصر وطايل = تجيه صعبات المواقف ذليله
سعد ولد دابس وفي الخصايل = شيخ توفى والمراجل حصيله
يشهد له اللي يرتكي للثقايل = راعي المليحاء عز من يشتكيله
والعلم واضح مايبيله دلايل = انا اشهد انه للمساري دليله
راعي المليحاء يوم جته الرسايل = من عند مسجون تزايد غليله
محكوم قص ولا تدور البدايل = وعلى قصاصه باقي كم ليله
آخذ ثلاث ايام والدمع سايل = وجروح رجله فيه واعزتي له
وفكر وقدر في جميع الوسايل = يبغى عميل مايبور بعميله
وفكر يروح لواحد يم حايل = شيخ مشى كل الدروب الجليله
ووجه لابو نايف عريب السلايل = وشرح له الموضوع قصه هويله
وقام وجمع له من صناديد وايل = وجاهم على حسب السلوم الاصيله
ووجه على جدة وكله صمايل = يطلب له التمديد مدة طويلة
وجاه الاجل يومه وشد الرحايل = وحنا انزعجنا يوم ذاعو رحيله
لاشك الانسان بالارض زايل = الدايم المعبود منشي المخيله
ابطلب المعبود منشي المخايل = اللي من الكفار نجا خليله
يغفر ذنوبه في نهار الهوايل = ويعوض روحه في جنان ظليله

قصيده جزله وحزينه وصح اللسان قائلها عيسى المهيمزي.

ورحمك الله ياسعيدي وغفرالله ذنبك .

وتشكر اخوي /ذيب الزبون على نقل المرثيه .

وتقبل مروري

الله يرحمة
صح لسان شاعرها
لاهنت

ابو حمد

الأجمل والأفضل هو مرورك
تحياتي لك

ناصر الداموك

اسعدني مرورك الجميل يابن داموك

تحياتي لك