لاصرت ما تحشم .. وتكرم ضيوفك= و تضيق لا مر الفتى .. فـي مجالـك
خلك على وضعك .. وكمل عزوفك= ماني على الفُرقا .. مُعذب وهالـك
بوادعك .. وأنسى وافارق حروفـك= وعل وعسى .. تلقى مع الغير فالـك
وجعل الفرح ..ينبت زهر في كفوفك= وتشوف رفقات الزمن .. في عيالـك

غنيتِ .. جزلات القصايد بشوفك = وابديت انا .. من ضيقتي ما مضالك
يامن سبق نورك .. ليالي كسوفك = لاتستثير الحزن .. قرب خيالك
اسمع كلامي .. واستعد لوقوفك = من قبل ماتصفق .. يمينك شمالك
كان البحر .. سبب نفورك وخوفك = وهبت معاصيره .. وبيَن هبالك
لاتستهين .. اللي عيونه تروفك = واللي على ضعفه .. نهض لك وجالك
مادمت ما تحشم .. وتكرم ضيوفك= و تضيق لا مر الفتى .. فـي مجالـك
خلك على وضعك .. وكمل عزوفك= ماني على الفُرقا .. مُعذب وهالـك
ماعاد لي قلـبٍ .. يخايـل طيوفـك= ولاعاد لي نفسٍ .. تـدور وصالـك
بوادعك .. وأنسى وافارق حروفـك= وعل وعسى .. تلقى مع الغير فالـك
روح .. وعيش العيد وأذبح خروفك = وخلك على درب التقى .. دوم سالك
وجعل الفرح ..ينبت زهر في كفوفك = وتشوف رفقات الزمن .. في عيالك
وتم الكلام .. اللي نضمته بشوفك = وهذا الذي .. ياذاهبه .. قد بقا لك