يازين وشلون تسمع هرج عذالـي = وانا الذي فيك بعت الروح وادميتـه
من شان عينك شربت المر والحالي = ارخصت لك كل ما ملك وانت كبيته
هذا جزا الحب عندك بارخص المالي = والقلب بالصد والهجـران جازيتـه
مادام فيني سمعت القيل و القالـي = وارخصت ذاك الغلا حتى تناسيتـه
معادلك بالحشـا يازيـن منزالـي = محيت حبك وذكرى الامس خليتـه
بلقى بدالك بدرب الحـب يصفالـي = غرون يهلي ويفرح كل مـا جيتـه
والا انت خلك تسمع هرج عذالـي = مع السلامه وذكرى الامس خليتـه