عيد دارنا " الكويت " الله يعزها ..
 

السلام عليكم ورحمة الله وبركاته ..
مشاركة بسيطة لي في هذه المناسبة .. ومن هنا نهنئ الشعب والقيادة الحكيمة بالعيد الوطني وعيد التحرير لوطننا الغالي " الكويت " .. وحبيت إقول كلمة .. إلكويت للجميع .. وفوق الجميع ..

سرقت من جوف البحر عدة قطوع
واخذت نوماس العرب وسط كفي
ماني بحاسب للخطا لا وممنوع
دربي على الصلبة تكفي واكفي
واخذت من هو في الحشا عز مزروع
يالين ينظر قلبي ولا يرفي
رف العلم والعز في الوقت بالنوع
كانه منوع دارنا ماتقفي
عن عزها والعز ياناس مرفوع
عن عين ناسن للخبايل تسفي
سفت تراب وعينها همز مقروع
ناسن بليدة مالها ماتوفي
لاهل الوفا بالذات في كل مقطوع
قطع الدروب الممكنة ماتلفي
ان كان شفت الناس والدار ينبوع
متوحدين بعز من مايخفي
فوق الدروب الكايدة عز مجروع
جرعة زيادة ليتها ماتخفي
دار الكويت العز في البرد والجوع
ملجا الضعيف بمنزله مايعفي
مايستعاف الدرب وان كان في سوع
سوعن قليل إبهآ إلذوآري تهفي
حب الكويت بدارنا حب مرضوع
من مولد الاطفال حبن موفي
ماينطفي حب الكويتي لموضوع
نورن على الظلماء ابد مايطفي
ومن هو ينافى الحق فالحق منزوع
من يد نزاعه عساها تنفي ..

محمد العتيبي .. ارجو ان تنال ع اعجابكم جميعآ ..

وعليكم السلام ورحمة الله وبركاته
صح السانك ... قصيده رائعه
والكويت تستاااهل ..
الله يحفظ الكويت وشعبها
دمت بخير ..

يعطيك العافيه
يسلموووووووو

الله يعطيكم الف عافية ع المرور .. وصحت ابدانكم ..

صح السانك واعتلا شانكــ
بيض الله وجهكــ على هالقصيده..
ودام عز الكويت باهلها تحت ظل آل الصباح

صح السـأنك واع ــتلأأ شأنكـ
جزله وآآآآآفيه والكــويــت تســـتأهل كل ــخ ـيـر

صح السانك واعتلا شانكــ

بيض الله وجهكــ على هالقصيده..

ودام عز الكويت باهلها تحت ظل آل الصباح