هـــــــنـــــــا مـــردي عـــلـى الـــبــرمــكــي
 

[poem=font="simplified arabic,5,darkblue,bold,italic" bkcolor="transparent" bkimage="" border="none,4,gray" type=1 line=1 align=center use=sp num="0,black""]
غنا العراقي واسبل الدمع موقه=ارخا على خدود العراقي هماليل
اثر العراقي كل شئً يشوقه=قلبه على صوت الحمام المزاجيل
ماهيضه حنّة مغاتير نوقه=اللي لها في جو قاسم مداهيل
لو عشب فيضتها تمايل عذوقه=عنها بعيد ابعد من الجدي لسهيل
اوراق ماضيه القديم محروقه=اقرع نبى عايش على شاطي النيل
ومن الهوى دقن السفير محلوقه=ياما جرتله في حياته بهاذيل
احيان حدر الظلع واحيان فوقه=واحيان ساعي في بريد المراسيل ههههه
ثوبه من السرعه اوساعاً فتوقه=يكفخ ولاضني محصل محاصيل
حراً قطامي بس عيبه سبوقه=مثل القيود اللي تسو الجماميل
ينوي ولكن عن مطيره تعوقه=واللي يبيها مالحقتها الدرابيل
ومن طاح هذا الوقت مايقام سوقه=يالبرمكي مالك ومال المواويل
لاتخلي معزبك يكفى غبوقه=ترى القلوب ملوعتها الغرابيل
العام قلبي ماجهلني سروقه=شوفي بعيني بس ماعادبي حيل هههههه
وياكثر من ضاعت سواتي حقوقه=ناساً على الكفه تحط المعاديل
والله يعلم مايكن مخلوقه=يالبرمكي سبح وكبر و تهليل
[/poem]

الله عليك يالمعزب


قصيدة جميله

لكن ارفق على البرمكي شوي ههههههه

الله بيض وجهك انبت عن الجميع يالمعزب وانا والله اني مشغول هذه الايام ولا عسكرته اله برد يشيب راسه وهو مانساه البرمكي صح السانك مليون

شكرا المعزب وين ربعك الطواغيت الثانيه ابا الخلا وابو عقالين مابينو

صح لسان ياولدنا

تحياتي لك

صح لسانك ياالمعزب
لكن الصورة اللي أنت حاط تحت اسمك كم عمرها

الظاهر إنها على التسعة والسبعين اللي ما تصّخّرها الثمانين

هههههههه

المعزب
صح اللسانك
والحقيقه انك مانت استاذ
ولكن مدرسه شعريه وشاعريه فذه
صح اللسانك واللسانك البرمكي شاعر ماعليه غبار
بــيــض الله وجــيهــكم جــمـيـعا
تقبلووا مروووووري
وتـحــــيـــاتي
ولاهنتم