عاد تنشد ما بقى عندي علوم= كل العلوم المبطيات تخبرها
ماجيتك اشكي ميلة الوقت مزحوم= نفسي ليا ضاق المدى ما اخسرها
ياصاحبي كنت امس كنت امس محشوم= واليوم هج بجيتك واختصرها
خلك بعيد ابعد من العام واليوم= وادنى من احلام النجوم وقمرها
بعض الكلام اللي تحليه مسموم= وما كل كف صافحتك تغدرها
كم طيب ساقته الاقدار لرخوم= وياكثر ناس تنخدع في صورها
والحر مايشره على خنعة البوم= الله رفع شانه ووطا قدرها
لو جيتني كنك على الوجه ملطوم= بعض الخطايا عذرها ما غفرها
عندي تساوت هرجة العذر واللوم= هذيك ما ابغاها وذيك احتقرها
زله وعدت ماحدتني عن النوم= مرت سلام وبعد الله كدرها
انا اعتبرها كبوة حصان ويقوم= وانت اعتبرها زي ما تعتبرها

الحر مايشره على خنعة البوم=الله رفع شانه ووطا قدرها

اقتباس من مشاركة بندر الذيابي الله الله الله الله صح لساااااااانك ولسااااان الشاعر مساعد الف شكر لك علي النقل اخوي تحياتي بندر :o

اقتباس من مشاركة عبدالعزيز الخياري الحر مايشره على خنعة البوم=الله رفع شانه ووطا قدرها الله أكبر على الشاعر مساعد الرشيدي(الزعيم) صح الله لسانك شاعر غني التعريف وصح لساااانك صادق الوعد وسلمت على النقل وحسن الاختيار