قبيلة بني رشيد - (%%( عشـــــــر كلمات )%%)

عشـــــــر كلمات
=========

البارحــــــــــه نفسي من الهم زاحت *** عشرة سنين ولابقاء غير بصمـات

ياديب قل للي نستني وراحـــــــــــت *** تنسى بعد ذكـــــــرالليال القديمات

في قصتي ياديب دنياي صاحـــــــت *** قالت قصيره لاتحسب المسافـــات

ولاهي غريبه طاحت وقلت طــاحت *** بس الغريبه هزت الــــــروح للذات

جتني وجيت ومهجتي مـاستراحت *** وراحت ورحت اودع الغيض بسكات

فــــرصه وراحت مابعـد يوم تاحت *** وانا بعد قفيت في عشر كــــــــلمات

الاوله بالمسك والعـــــــــطر فاحت *** والثانيه قصة نهــــــــايه بــــدايات

والثالثه نظره مــــن العين شاحت *** واسترسلت من عينها كـــل نظرات

والرابعه عن ســـــــرها لي باحت *** والخامسه وصف لجميع المتاهــات

والسادســـــه تقول تو استراحت *** يوما شـــــكت للي همها والمعانات

والسابعه دمعه مع الكحل ساحت *** والثامـــــنه فيهـــــــا بداية نهايات

والتاسعه وادعتهــــا يوم راحت *** والعاشره نادت تقول انس مافـــات

وارخى ستار الليل نوره وجاحت *** في خاطـــري قصه عقيد المعانات

الشاعر / نايف بن شميلان