قبيلة بني رشيد - إيوالله متزوج . . وعايش إلى الحين@@وأحاول أمسح مـن حياتـي حياتـك

تشرت بلقاء صاحب هذه القصيده باحدى المناسبات صيف العام الماضي وهو الشاعر المبدع
احمد البلوي اتمنى ان تعجبكم مثل ما اعجبتني

إيوالله متزوج . . وعايش إلى الحين
أحاول أمسح مـن حياتـي حياتـك
الله رزقنـي فـي غيابـك إبنتيـن
كنـت اتمنـى لـو يكونـن بناتـك
تخيلـي . . قرّبـت أكمّـل ثلاثيـن
لازلـت شايـل داخلـي ذكرياتـك
طفله على حد العطش لـو تمرّيـن
ينبت على جال الضوامـي نباتـك
كنتي غنى .. بعيون كل المساكيـن
كنتي هنا .. تبدين سيـرة غلاتـك
من كل بنات الحي كنتـي تغاريـن
موبس بنات الحي .. حتى خواتـك
أجيب فيـك العيـد ولا تجيبيـن ؟
منهو يسـوي فـي حياتـي سواتـك
مرات نرسم نهـر بيـن البساتيـن
مرات نتسابق وخيلـك > عصاتـك
ومرات نبّني قصور وبيوت من طين
.والمغرب إتهدّ المبانـي حصاتـك
ومرات كأنك أم .. وِحنا صغيريـن
الشرشف الـوردي كأنـه عباتـك
كان الخطا .. إنّا قرااااب وبعيديـن
كان العطا .. ما يحوم حول أمنياتك
تدرين ليه يدوم حـب المجانيـن ؟؟
ابه عقل يمكـر ويخـدش حلاتـك
صرت أفتح الخفاق بعدك بلا: مين ؟
من فات . . قلت : الود والشوق فاتك
ما هزني بعـد الأمـل والعناويـن
ماهزنـي .. إلا .. وفـاك وثباتـك
قلت وحياتك ؟ جاوبتني : إلى الحين
.أحاول أمسح مـن حياتـي حياتـك
واليوم ليت أملك بهالصـدر قلبيـن
.قلبٍ لك إلحالك . . وقلب إلـبناتك

تحياتي لكم