قبيلة بني رشيد - حبيب العازمي ومنيف زايد

بسم الله الرحمن الرحيم
هذه المحاورة جرت بين الشاعرين/ منيف زايد الرشيدي.....والشاعر حبيب العازمي

منيف زايد..
ودي آثبت وجودي على معنى ثمين... يارجال وكل لحية على مقدارها
حبك الله ياحبيب رضي الوالدين... اعتقد مايجيك من قوم غير اخيارها
حبيب...
بيض الله وجه رجلٍ على دنيا ودين...نظرته بيمينها مايحب ايسارها
حبك الله مثلنا والرجال الحاضرين... كان عندك سالفه لاتبيح اسرارها
منيف زايد...
الحقيقة كلها سجدتين وركعتين...ول ياناسٍ تقيس الغلط بافكارها
عزك الله ياعتيبه مدلهة الحزين...ودي اضحك مع هل العرف واقلع دارها
حبيب...
الحقيقة كلها في رياض الصالحين... فيه ناس آ خر زمن ماتطول اعمارها
ماعلكيم زود مير انت ساري وين وين...اعتقد هذي قوية ودور غيرها
منيف زايد...
صاحبك مومن قوي من خيار المومنين...مد شبره مع رجالن طوال اشبارها
الجنازة طلعت من كفنها مرتين... علموني يآهل العرف من قبارها
حبيب...
وانت من قال الك مانته بضمن المسلمين...وش تبا بطوالها ليت الك باقصارها
احسب الحيين وانته تعرف الميتين...من يعرف المقبرة عارفٍ قبارها
منيف زايد...
وانت مانته ياحبيب رسول المرسلين...العرب ماهي بكيفك تدوس اعمارها
انظرك في عين وانته تطل بنص عين...والاوادم بالعور ركزت بانظارها
حبيب...
صح انا ماني نبي شاعرٍ ضلعي متين...كل ماتليت بدله يطير ازرارها
لو نظرتك مثل ماقلت حدك كلمتين...من يخبط الارض لازم يشوف اغبارها
منيف زايد...
كان هذي حجتك وفها في شاهدين...قدمك اللي كل سكة عرف معبارها
وان زعلنا نطحن الحب ويطير الطحين...ولا تحكم الطايرة عن حكم طيارها
حبيب...
تشهد العالم معي والشهور امع السنين...وانت توك ناقتك باركة باصرارها
سيف خالد ماضيٍ في بدر ولا حنين... تعرفون السالفة سرها واجهارها
منيف زايد...
الله انه يصلحك ياحبيب قول آمين...ابتلشنا بالمجنن وكــثر اعذارهـــــــــا
انت لو زرت الحرم فزت لك في ركعتين...وافضل انك زرت مكة مع اللي زارها
حبيب...
مشكلة واحل موجود عندي هالحين... المجنن عندكم باحجاز اشهارها