قبيلة بني رشيد - عمري بقايا جرح وآهات وأحزان

عمري بقايا جرح وآهات وأحزان
-----------------------عمري سنين بائسه ... أتعبتني

عمري ألم غربه مع جور الأزمان
-------------------عمري سراب والصحاري خذتني

ليه السؤال ؟ وعمري اليوم عنوان
-------------------عنوان لجروحي ودنيا بعثرتني

عمري فراق وهم وجروح أنسان
----------------عمري سنين بالأسى .. عذبتني

عمري ظلام وحزن وجروح خلان
--------------خلي ظلمني ودمعتي .. أحرقتني

عمري سجين وضحكتي خلف قضبان
---------------مظلوم في دنيا رديــه .. أظلمتني

عمري زهر بس للأسف صار ذبلان
----------------وكل البحور بكبرها .. ماسقتني

عمري عريس وبين هالناس خجلان
-------------وعروستي دنياي بس ماأعشقتني

عمري بحر وقلبي معه دوم عطشان
----------------أشرب بس كفوف الزمن ماروتني

عمري تجارب وداخلي قلب ربحان
------------ونفس القلوب السود هي أخسرتني

يكفي شموخي وهيبتي قوة أيمان
----------------وأمــوت عالي .. ودنيتي ماوطتني

هـــامة لا حشى كيف .. تنهان
---------------أوضع بقبري وهامتي ماأخذلتني

عمري مع جرحي سوى مثل الأخوان
--------------أعشق جروحي دامها .. مانستني

وعيـوني اللي دمعها فوق الأوجان
-----------------دموع من ظلم الحبايب .. كوتني

وماصرت أميز .. بين فلان وعلان
-----------------لكن جـــروحي بالبشر علمتني

هذا العمر عمري ومافيه نقصان
----------------أصبحت شايب ودنيتي دمرتني

خلاص برحل والسبب كثر الأحزان
---------------وقلوب ناس(ن) ظالمه ماأرحمتني