وجها لوجهة ، وكلامنهما متوشقا للانقضاض على الآخر بعد مدة غياب ليست بقصيرة ، اتسمت المحاورة بروح رياضية من كلا الطرفين الشرسين ونوعا ما من التحفظ الودي ، شهدت المحاوره جمهور كثيف الذي أثنى من خلالها على براعة المتبارزين ، إليكم المحاورة المثيرة متمنين لكم أجمل وأسعد الأوقات:
الكابتن
يا كادر منتدى الكفه يامن عين لي المقداد=علومه طيبه لكن اشوفه طول غيابه
لقيته صدفه وبعض الصدفتسوالها ميعاد=احسبنه شباب اثره شايب يقصر ثيابه
المقدااد
تشوفه في عيونك ليه يوم انك عليه تناد=وعلومه دايمن لامن سالت يولم الجابه
ترى بعض العرب يغتر في عايد وفي عياد=لان اثيابهم ووجيههم ياذيب تتشابه
الكابتن
ابي صدرك وسيع ولك عيونن بالطريق حداد = ونبى المعنى على الضلع الطويل اللي به ذيابه
ياشيخ امسح على دقنك وسولف والعلوم جداد = وعلمني بحال البنت جوها ناس خطابه
المقدااد
توكلنا على الله واتفقنا صفر العداد=مدام القوم ربع ولابة اهل المعرفه لابه
هذا دقني بعلم الطيب يبشر حضرة النشاد=وهي تبغى الشجاع اللي يشد السيف بنصابه
الكابتن
ابي تمشي معي وتميز المصدار والميراد = تر ى اللي مثلكم بالدرب سخصٍ نحسب حسابه
لا تستعجل وسجل للحدث ياصاحبي ميلاد = ترانا في حدث لاعاد ميلاده ومن جابه
المقدااد
انا مدري وش اللي تقصده ياطيب الاولاد=لكان اني سناد الطيب اللي يفتل اشنابه
تطمن دايمن خفاقنا في عزته يزتاد=يضلل عالمن في نصرته ماهي بكذابه
الكابتن
انا كنت احسب الجمال ماسك له رسن وشداد = لاكنه صار يبرى للذلول وضيع اركابه
عساك من اهل السنه وتطمع بالشهاده زاد = وعساك تعدي الضلع الطويل وتدخل الغابه
المقدااد
انا حسب اتفاقي معك ابدمح غلطة النقاد=وباهدي بوضع اللي يهدر و تضرس انيابه
تحييبي وانا لاشفت لادله ولابراد=وانا طمعان في دله وبرادي وصبابه
الكابتن
انا ماودي تسولف علومٍ ما عليها سناد = ماودي منتدى الكفه تطبه ناس كذابه
ترى صبيت لك فنجال كيف مبهرن بقناد= لكن المشكله ماهي بفنجالي بشرابه
المقدااد
ياراع الطايره قدامك المقدااد بالمرصاد=بجيشن مانت حوله بين صاروخن ودبابه
ومدام انك تصلي وانت تتعامل مع الموساد=مالك عندي يغير اعلن عليك اجهاد وحرابه
الكابتن
انا فوق السحاب وراعي المرصاد وسط بلاد = وجيشه مايسره وان بغيته روح نهابه
علومك لاتصغرها كذا كانك عريب اجداد = ترى الرجال يعرف في كلامه طيبة انسابه
المقدااد
ياراع الطايره طيب ومشكلتك يجيك اعناد=ياليتك تعرف انك ماتحصل شي بغصابه
انا ماصغر اعلومي عليه تشهد الاجواد=لكن انته تدش البيت نوبن ماهو مع بابه
الكابتن
لو انك مت يالمقداد ما تلبس عليك حداد = شهيد المعركه ما له من العربان طلابه
وش تسوي لمن الله رمابك في يد الجلاد = تصادم قوته والا تصير من احد اصحابه
المقدااد
انا لو مت عن نوره رزقني ربي بسعاد=بنيه من بنات الاخره حلوه وجذابه
ماياتي حضرة الجلاد للي للولي عباد=ترى الجلاد يجلد بالعصى اللي ربك ادرابه
انتهت المحاورة
وصح لسان عمالقة الكفة الكرام
