رغم الظروف ورغم كل الصعوبــات= حبك في قلبي مانسيته دقيـــــقــــــــــــه
لاتحسبين الحب في داخلي مـــــات= بعد الفراق اللي سوات الحريقــــــــــــــــه
مسقيه دم القلب والعين ماتــــــــات=اسقيه لين الموت يلمع بريـــــــــقـــــــــــه
عايش على ذكراك رغم الذي فــات= ومالي ترى غيرك لقلبي عشيقـــــــــــــــه
اذكرك لامرت دقايق وســـــاعـــات=واليا ذكرتك يفرج الصدر ضــيقــــــــــــــه
انتي بقربي رغم بعد المســـــافات= طيفك يراودني سراب وحقـــيقــــــــــــــه
الله على ذيك الليال الهنيــــــــــات= اللي بها حبيت أغلى الــــخلـــــــيقــــــه
شعري نظمته فيك من طيب الابـيات= وابحرت لاجلك في البحور العمـــــيقـــــــه
واخذت من ذكرى الليال القديمـــات= قصة غرامٍ للقلــوب الرقيــــــــــــــقــــــه
نظمتها من قلــب مكــبوت ونـــــات= وابيات شـعري من دموعي غريــــقـــــــه

اقتباس من مشاركة محمد الهبله (المشاركة 1431410) يا سلام يا سلام صح لسانك يا بيرق سليم

اقتباس من مشاركة برق الوسم (المشاركة 1431585) وعليكم السلام ورحمة الله وبركاته بيرق سليم حياك الله وابرك الساعات تواجدك بيننا .. نظمتها من قلب مكبوت وناات وابيات شعري من دموعي غريقه صح لسانك بدايه موفقه ... ننتظر جديدك ... لاهنت .... تحياتي لك