ينجرح قلب.. لكن ترتفع هامه=والله إني لأموت ولا انحنى راسي
لو رماني زماني وسط..دوامه=العواصف شديدة .. والجبل راسي
أنقل الحزن وامشي منتصب قامه=قاسي الوقت .. لكني بعد قاسي
واسمع الحلم يصرخ لحظه إعدامه=رابط الجاش ... ماهز الخبر بأسي
عزتي غاليه ..والناس سوامه=قلت ماابيع حتى تقطع أنفاسي
زانت أيام عمري .. شانت أيامه=مارجيت العزى من رحمة الناسي
من عجز لايدوس الهم باقدامه =لازم انه مع الايام ينداسي
يندمل جرح القلب ..ماتت أحلامه=بس ما أظن يبرى جرح الاحساسي
يوم صارت مابين القلب والهامه= وش أبي بالحياة الياانحنى راسي