ياليل ياليل الحزن طـول اشـوي=نار الحزن في مهجتـي عذبتنـي
دورتها شهرين صامت ولا شـي=اغلا قصيده مـع ظلامـك لفتنـي
فيها رثاء ميت ومن مؤمنـن حـي=مؤمن ولو كل المصايب غزتنـي
ياليل وين الـي إذا صوتـت لـي=مصدرسعاده صوتهـا لا دعتنـي
وين المقـام ويـن ترحيبهـا فـي=صدق المشاعر عينهـا لا رأتنـي
وين الضماد الي يداوي عن الكـي=لاجيت اقبـل راسهـا وحضنتنـي
وين الوفاء الي يشعشع كما الظـي=ترقـد بليـا قـوت ماجوعتـنـي
وين الغلا والغاليـه والغـلا هـى=وين الحنان الي منه قـد سقتنـي
يـاوي ياقشـر المقاسيـم يـاوي=تسعت شهـور ببطنهـا حاملتنـي
وعزاه ياقلب(ن) مشرع بـلا فـي=من عقبها شمس الحزن محرقتنـي
مؤمن بربي مقدر اضحك ولا ابكي=سـود اليـالي مدرسـه علمتـنـي
ياليل ياليل الحزن طـول اشـوي=نار الحزن في مهجتـي عذبتنـي

تحياتي