صمتك كواني واشعل بخافقي النار * تكلمي يا بنت صبري حرقتيه
 

عودي عليَ بعودتك تضويَ الدار * وتردلي فكري وعقلٍ سلبتيه

تكلمي وقتي ترى والزمن جار * ما غير أنا وعيني وقلبٍ نسيتيه

قولي أبيك أو ما أبيك مابي أعذار * مابي العذر منك لونك ذكرتيه

ما للغلا فيني خفيات وأسرار * حتى شعوري في ضميري وصلتيه

وين الوفاء؟ سامشغله كل الأفكار * احترت أنا بصدك يومك نويتيه

بأسباب بعدك أسهر الليل محتار * حتى لذيذ النوم ما عدت أجاريه

قولي السبب ولا أشعلي بخافقي الكار * قلبي ترى يابنت ماجاهـ يكفيه

قولي غلاتي دام الوفاء بيننا صار * ترقص عروقي لاحل أسمك وطاريه

أن كان مني أبشري بكل الأقرار * فديت عمرك بأوله ثم تاليه

زرعت أنا ورد الغلا لقطف الأثمار * وأخاف لا أثمر ياحياتي تبيعيه

خلاص حتى الصبر ما عاد صبار * بس أفهمي يابنت ...صبري حرقتيه


تحياتي للجميع

كلـــــــــك ذوووووووووق
الله يسعدك على ذا الاختيااار
ابياات تضرب على الوتر الحساااس

الله يسعدكم ويهنيكم ولاهنتم على المرور

صح لسااانك
ومشكور يالغالي .

صح ابدانك ولاهنت على المرور