مبروك ياحفل(ن) حظرناه ذالليل =وسلام ياالحضار والحقل ميروووك
مبروك ياحفل الرجال المشاكيل = اهل الكرم والعز وان جيت عزوك
نواف ونايف من خيار الرجاجيل= حازو على فعل المراجل بلا شكوك
اهل والوفاء والجود ذباحت الحيل = وديوان مابابه عن الظيف مصكوك
وتلقابه البن الاشقر مع الهيل = ولاشقر المفروك باالهيل مسحوك
وتلقاء دلال مساطرات ومعاميل = وتلقاء رجال(ن ) بتراحيب بادوك
من ساس ربع(ن) ينطحون المقابيل= الياقلت لهم تكفون من القوم فكوك
عوامره ضد القلوب المغاليل= وزبن الضعيف اللي من الظيم مظكوك
اللي اليا ركبو على سبق الخيل = حريبهم راسه من المتن مسلوك
ان جيتهم بالضد ياويلك باالويل =وان جيتهم باالسلم للسلم حيوك
افعالهم تعرف مثل نجمة سهيل = يوم القبائل مع القبائل لها صوك
بني رشيد مطوعت كل حلحيل =الياقمت تحدى باالشجاعه تحدوك
وصلاة ربي عد وبل الهماليل =ومبروك ياحفل(ن) حضرناه مبروك