سوالف ابوعواض > قديمات <
 

بسم الله الرحمن الرحيـم



ســلـآأإ|م عليــكم ورحمه الله وبركآته



تحيــه طيبه وبعد


ابعطيكم انشاء الله من القصص القديمه اللي سمعتها من الشيبان

ليست منقوووله من الانترنت


قصه هي قصه الوصيـه

هذا ياطويل العمر رجال عنده خبر بالحياه > حكيم <

قبل لا يموت قال لولده ياوليد وصيتي لك ثلـآآث

الاوله _ لاتخاوي رجال الحكومه > الشرطه <

الثانيه _ لاتعطي سرك لمره

الثالثه _ لاتزوج خواتك الرديان > الرجال اللي مافيهم خير <




والولد وده يتآكد من نصيحت ابوه فيه فضول وكان عنده اختين

زوج الاوله لرجال كفوو شرواكم والثانيه زوجها واحد ردي وانتم تكرمون عنه

وبعد مازوجهم راح الرجال وسرق نعامه الامير حق القريه وراح وعلم امه

>عطي سره لمره ولكنها امه<
قال يامي انا سرقت نعامه الاميـر واليوم تبين تعشينها بس لاتعلمين احد
قالت امه طيب وذبحلهم تيس وقالهم هذي نعامه الامير ( النعامه مآمنها عند صديقه ) كان معهم ع العشي اخت امه >خالته < بعد العشي قالت امه لاختها
شفتي الي اكلنا تراها نعامه الامير بس لاتعلمين احد قالت طيب
والولد طق الصحبه مع شرطي لين صاروا اخويا لزم
( يعني هلحين خالف النصايح الثلاث خاوا شرطي وعطا سره لمره وزوج اخته ردي )
المهم الحريم تخبرونهم كل وحده تعلم الثانيه وتقول لاتعلمين احد
لين وصل الخبر لزوج القاضي واللي قالتلها قالت لاتقولين لاحد خخخخخخ

اكيد علمت زوجها المهم الامير طلب تحضير شرطت القريه
وقال للشرطااا من يعرف فلان بن فلان قال خويه اانا اعرفه قال رح ولا تجي الا وانت جايبه

وراح الشرطي وجابه ويوم جاء عند الامير قاله الامير حكمنا عليك ب 20 ناقه ولا بنقص راسك
توك ع الله راح الولد يدور اللي يعطيه ال 20 ناقه


راح الولد لنسيبه زوج اخته الردي اول مانصاه من بعيد نشده زوج اخته قاله ناقتك جربا قال الله الله قال اقلاعها بعيد

قال ياولد مطر قال اقلاعها هذي جربها
المهم ابعدها عنهم ودخل عنده صبله قهوه بارده مثل وجهه
وقاله الولد يا النسيب انا قدر الله علي وعلي حكم 20 ناقه وان ماجبتهم يبون يقصون راسي


ولا وجهه اللي تكرفس وتعفس قال والله ودي افزعلك بس اللي اقدر عليه تيس
قال ها ؟ قال تيس قال طيب بس لفلي عليه ربطه عشان اعرف انه حقكك

قال طيب لف عليه خرجه سوده

سرا الرجال وراح عند نسيبه الاجودي شرواكم اول مانصاه ولا هو يهلي ويرحب

ياهلا ومرحبا هلاااابك يالغالي

والولد ابعد عشان ناقته جربا يبي يبعدها عن البيت قاله نسيبه لالا مو بكلام اقربها

مطر قاله ترها جربا قال اقربها بس



المهم دخل وتقهوه وقلطه ع حقه ويوم تعشوا قال والله يالنسيب انا علي حق

20 ناقه وان ماجبتهم يبي يطير راسي


قال الابس هذي قالي اي والله قال لاتشيل هم




تآآبع

وهو يقبس النار > كتمها وخلها تدخن < وقبست النار معروفه عند العرب
ان في شي ياضيف ياجاير يازابن المهم اول ماشافوا النار قبست تجمعوا حوله ربعه وقبل لايقبسها قال لمرته تزين عشرين عقال > عقال يعني مربط الجمل <

المهم اول ماتقهوو قال النسيب يالربع هذا الرجال قدر الله عليه وركبه حق

وهذي عشرين عقال ابي كل رجال ياخذله عقال ويجيني بناقه واللي مايقدر معذور

وكل الرجال اللي حاظرين قالوا ابشر بالسعد وصلت واللي يقول انا عطني عقالين واللي يقول 3 قالا النسيب لا ياجماعه كل واحد عقال وبيض الله وجيهكم

وراح وجوا
ويوم اصبح الصبح ولا عشرين ناقه مبركه عن بيت الشعر

سلم الولد ع نسيبه وقاله بيض الله وجهكك كفيت وفيت ومردوده انشاء الله

ودعه وراح للامير معه ال 20 ناقه والتيس اللي ملفوف بالخرجه وخذا النعامه
من خويه اللي كان مآمنها عنده

يوم قابل الامير قاله يالامير انا سالفتي كيت وكيت وانا كنت ابجرب وصيت ابوي

قال طيب والتيس هذا وشوو قال هذا عطيت الردي قال الامير اما الانياق فحملوها بالرز والتمر

ايام كان ماياكل الارز الا الملوك
قال حملهوا رز وتمر وسلم ع نسيبك وربعه

وقلهم هذي عطيت الامير وبيض الله وجيهكم
اما النسيب الرردي فرجعله تيسه وخله يطلق اختك ولا بتنقص راسه

وتآكد الولد من الوصيه والردي طلق اخته
وزوجها رجالن كفو شرواكم

وانتهت القصه

انتظروني بقصه اخرا مع الراوي ههههههههه

ابو عواض

الله يعطيك العافية
وانتظر القصة الجاية
علماً بأن نوعية
هالقصص دوماً تجذبني ( :

سلمت وماقصرت
دمت بكل خير
.
.
.

قصه رائـ ع ــــــــه

يعطيك العافيه وننتظر القادم ..

يعطيك العافية
ع القصه 0

الاصول ماتنقطع اعماقهم

الله يعاافيكم
ولاهنتوا ع المرور العطر

الارووع مروك الله لايهينك


^_^