|
قال الذي قوله سوات العباريد//// اما يصيد الذيب والا الغزاله
السلام عليكم ورحمة الله وبركاته ابيات اتمنى ان تنال الاعجاب الى....... : قال الذي قوله سوات العباريد =اما يصيد الذيب والا الغزاله ياقوم ياللي تنضمون الاناشيد= تو الرشا ماركب فوق المحاله لاحت لي الزله وبعض المقاصيد=يوم القمر بدر وريض هلاله انا احسب ان القوم ربع واجاويد=لكن بانت لي موار النذاله كل السبايب مخلفين المواعيد=اللي على المرقاب عقد حباله توي دريت ان النوايا على حيد=يااهل العدل بالله وين العداله ناس تدور مدح بين القواصيد=مدح على غير الحقيقه جهاله والخصم لامنه عطاه المناشيد=ضيع جوابه ياعرب من سواله وده يسوي مثل عنتر وابوزيد=والناس تدري عن خوافي حواله يسل سيفه مع سيوف مجاريد=يالين جاه السيل سايل وشاله ليته قعد من ضمن ناس قواعيد=من شان مايدرى عن اللي بباله دايم على المرقاب وده يجي سيد=حتى تقول القوم راعي جزاله فارس شجاع وضمن ناس صناديد=والعيب بين فيه قبل الخماله لاتحسبون الشعر قول وتراديد=وقاف ملحن يالا لا له يالا له الشعر ميزان وله ساسه جويد=ماهوب شربة كيف والا بياله ياهية ياللي شلت زين البواريد=لاتقنص الضلع المهيف وجاله الصيد موجود وفي جرهد البيد=لوكان تلقى لك عوض في بداله مدام بعض الناس راحوا حواسيد=راع الحسد كبه ومالك وماله دام زرع في وسط قلبه لك الكيد=يجيه يوم يخبره عن عماله والرجل مايقرب دروب المناقيد=مايقرب المنقود كود الحثاله وان عاش راسي يالرجال المقاريد=اني لعقل كل هرش بعقاله واني لضد القوم ضد الاضاديد=في ساعة كل يثبت مقاله اخو صلـــــــــــــــــفه |
صح لسانك وبيض الله وجهك وماقصرت ابيات رااائعه
تقبل مروري البسيط واسجل اعجابي بقلمك النير والرااائع ودمت بصحه وعافيه |
والله ياخو صلفه القصيده مثل عجينة الرفلا فيها ني ونجيض لكن صح السانك
هههههههههههه |
إقتباس:
صح بدنك يالشا111مخ وجهك ابيض ومشكور ياللغالي على المرور |
إقتباس:
اول شي صح بدنك وتعليقك هذا نابع من معدنك الاصيل يالعمدة1 وكلامك مثل كلام العجوز اللي تبا العرس والا ودها خخخخخخخخخخ |
إقتباس:
من شاعر جزل بيض الله وجهك يا أخو صلفه على هالكلام الدرر الذي أمتعت أسماعنا به الله يعطيك العافية تقبل مرور أخوك / الصميدع |
إقتباس:
الله الله صــح اللسانك مـلــــيــــوووووووووون ولا يكفوووون ماكذب الي سماك الجـــــــلاد بيض الله وجهك ياخووو صلفه ولاهنت |
إقتباس:
اسمحلي بالمجارات لو بعض الشيء هيضتني وقع الطر لاهل فوق الجلاميد=يروي تراب الارض وابل خياله والشعر مثل الغيث نوق ومفاريد=يروي قلوبن ما عليها ظلاله اما قلوب اللي جداها المناقيد=ماني بحاسبها ولاهي صماله ياخافقي عطني علوم الاواليد=حماية التالي على كل حاله ابيك ترفع بيرق العز بالحيد=وتصافح مسري زبون الجزاله اللي بيوته ماعليها مناشيد=مثل الاداما في مشارف جباله قريتها مره ومره تراديد=وبيح خفاي من المعاني لحاله مالها وصايف غير الاجواء بمدريد= اجواء اوربيه ويالك وياله واخترتها من قلب لانقص ولازيد=لكن مضامينه يحب العداله مير اكثر العالم طيورن ملابيد=تنوي ولاتنوي علاها وباله اللي مايبغى الحق والله مايفيد= يوم الحشر ياناس واعزتاله اما العدل معروف عند الاجاويد=مايضيع حق اهل الوفاء والشكاله العدل ياهل العدل والعلم تجويد=ترا الظلايم كلبوها جهاله ياونتي ونيتها من هوا البيد=ونتي مريض ن مات باقي حلاله والا كما ونت كبير المقاريد=ضيع شبابه وابتلش في عياله سامحني كتبتها مستعجل في عشر دقائق |
| الساعة الآن +4: 01:05 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
