عبدالعزيز البطل قدمـه يهـون الصعـب=حكيم رايـه حليـم(ن) ياوسـع صـدره

يـوم القبايـل تناحـر بينهـا بالنهـب= الجار من الجـار مايامـن مـن الغـدره

هلـل وكبـر عليهـا بالليالـي الشهـب=يـوم انهـا قاحلـه والشـرب بالبـدره

جاها ابو تركي بدين الحق سيف(ن) ذرب=زاح الجهل عن وطنـا واعتلـى قـدره

ثبت قواعد بـلادي سـاد فيهـا الحـب=من بعـد ذاك التناحـر نقسـم التمـره

الشرع دستورنا .. قال التكاتـف صلـب=لعـل صقـر الجزيـره بـارد(ن) قبـره

واليوم صقر العروبه فوق هـام السحـب=من فوق شبر النشاما زايـد(ن) شبـره

سلام مني لبـو متعـب حبيـب الشعـب=اليـا دعانـا ملكنـا طايعـيـن امــره

لانه يشيل الوطن والشعب وسط القلـب=ياكبـر حـب الملـك للشعـب ياكـبـره

يمسح دموع اليتامى في نهـار الكـرب=لـه لفتـة(ن) لليتامـى تمسـح العبـره

دايم يتلمس ظروف الشعب قرب بقـرب=الكل يطلب عسى الله يمـد فـي عمـره

انشأ خطوط(ن) سريعه بكـل فـج ودرب=مافيـه شبـر ببـلادي غيـر بتعـبـره

شيد مصانع بـلادي بشرقهـا والغـرب=مدنن صناعية(ن) مـن راسـه الفكـره

بالتقنيـه حـول ميـاه البحـر للشـرب=نسقي بها نجد .. ونسقي ديرة الهجـره

وبالارض دبابة(ن) تحت الثرياء سـرب=حماية(ن) للوطـن مـن بـره البحـره

يامملكتنـا تباهـي واعلـنـي للـعـرب=العز عز السعـودي .. والفخـر فخـره

اقتباس من مشاركة ابن سعيد (المشاركة 1217882) وبيض الله وجهك والوطن غالي على كل مواطن سعودي وابو متعب روح الوطن ويستاهل كل ماقلت فيه ويستاهل أكثر من كذا وحنا فدا لأبو متعب وعلى شانه نرخص له أرواحنا وألف شكر على هالقصيده الجزله وتقبل مروري