قبيلة بني رشيد - ][ إبـرٍهـٌ آ‘لـفًـًـًـًرًقى ـآ ][

السلام عليكم ورحمة الله وبركاتة

اعود اليكم بقصيده

اتمنى ان تنال على اعجابكم

الغلا والطيبه والبسمات والهمس الحنون
.......... كله أشياءٍ فقدته من تفارقنا وبديت

أفتح عيوني على دنيا شكت منها العيون
.......... كيف إني عشت فيها وانت منها انتهيت

والعقل والقلب والانفاس وجلود الجفون
.......... صارت أشياء وجوده مايفيد(ن) من نسيت

شفت كيف الزرع يذبل لاكثر مي المزون
.......... هذي عيوني ذبلت من كثر مانا قد بكيت

وش يفيدك لو تعب عقلي ووصلت الجنون
.......... وش يفيدك لو سبب فرقاك طحت وصرت ميت

كيف قد طاوعك قلبك وانت أدرى من تكون
.......... والسؤال اللي ذبحني كيف ببعادي رضيت

كنت أظن إني أخون النفس وانته ماتخون
.......... كنت واثق فيك وأثري في محبتك إنعميت

ليه قد خيبت ظني رحت والقلب مغبون
.......... رحت وانا ماحسبت حساب لامنك مشيت

ماخطر في بالي انك ترخص بقدري وأهون
.......... وانت لو أمحي عظامي تبقى فيني مانمحيت

كل مايرموني عذالي على موج الظنون
.......... جيتهم بأكبر سفينه واثق بإنك وفيت

من رحت وكني مؤبد تحت ظل السجون
.......... تايه بين الهموم وضايعن من دون بيت

صارت الدنيا مخيفه لا طعم أو حتى لون
.......... وإنت تدري في بعادك أحلى أحلامي خذيت

وإبرة الفرقا ذبحتني بس تنبش بالطعون
.......... ياااااهـ الله يعين قلبي كل ماببالي طريت

ليت كل اللي أفكر فيه بالدنيا يكون
.......... ولو أنا اقدر أشوفك كل مالشوفك ضميت

ولو صحيح إن الملا لا فارقوا مايحزنون
.......... ماتشوفن ضاع عمري بين لو وبين ليت

أعترفلك كل مافي الدنيا غطاه السكون
.......... وأعترفلك من جلست بظلمة أوجاعي وجيت

أفتح عيوني على دنيا شكت منها العيون
.......... ماقدرت أصدق إنك من حياتي إنتهيت