قبيلة بني رشيد - ابن الخميلي + ابوعوجه

بسم الله الرحمن الرحيم

السلام علكيم ورحمة الله وبركاته

هذه المحاورة بين الشاعر ابن الخميلي والشاعر ابوعوجه

ابن الخميلي

يابو عوجه طلبتك ياقوي العزوم=طالبك طلبتن ماترد طلابها
والله اني من الطاروق صرت مهموم=خلها بيننا لاينقفل بابها

ابوعوجه

انت حولت من بين الجبل والحزوم=دلة الكيف جاتك وانت شرابها
كل رجل ٍ على الطرقه مخرم خشوم=وانت من عرض ناسٍ تفتل اشنابها

ابن الخميلي

ردها فالشحم من قبل عض البهوم=والجمال معروفه شامخن نابها
لا تمشي علومن مالك ابها لزوم=دام بنت الهلالي تكحل اهدابها

ابوعوجه

لاتدربي علومك تحت ضوء النجوم=روح دورلك امرايه تمرابها
يالخميلي علامك ضاق فيك الهدوم=ليت بعض العرب ماتشقق اثيابها

ابن الخميلي

ماتضيق الوسيعه لو تطيح وتقوم=خلها تدرج واشرح لك اسبابها
انت شاعر موقر بس فيها مخدوم=لاتعجل يالين تحسب احسابها

ابوعوجه

قسمتك من رجال ٍ يقسمون القسوم=يالخميلي علامه ناقص انصابها
اثرك اللي من الايام فيـه الثلـوم=الليالي بوجهك بان مظرابها

ابن الخميلي

ادري انك نقصة الكيل مالك سلوم=ناقس الهرج يلقى عند كذابها
انزل انزل لمقدارك وخل العلوم=نرفع علومنا ياللي تهزابها

ابوعوجه

لا تخش المساجد وانت في فمـك ثـوم=كل حاجه تسوى فك ترظابها
حب خشم ابو عوجه مثل بعض الخشوم=قبل الاصحاب تنكر خوة اصحابها

ابن الخميلي

ياجماعة نكرم كل رجل محشوم=والنعامه تعرف الجول واسرابها
ابوعوجه علومه مالنا ابها لزوم=عودوه الجماعه يمسح ارقابها

ابوعوجه

نعرف الحر حر ونعرف البوم بـوم=والحرار الشهيره لا تسمى بها
ابو عوجه اعلومه مثل ظرب السهوم=والخميلي تراه الليله اولابها

ابن الخميلي

انت حرن على راس المناره يحوم=المناره يجيها غصب مايهابها
روح الليل بين اثنين وانت محروم=كل نشمي يبا يعطيك مشعابها