يا ما كتبتّك يالقصيد .. وتذوقت = نقش ٍ على الجدران .. بأسوار بيتك
قلبي على شلال .. خذنيّ مع الوقت = وفكري .. على نبّاع نقشك وصيتك
لوحة .. دعّت ذكراي .. فيها تورقت =واستلّهمك قفل القصيد .. و بديتك
واقف على صمت الذهول .. وتعلقت = بأعمق كرم.. دافع نداي لمبيتك
ذكرى .. عليها من كرم حبي اغدقت = حتى اختنق قيني .. غلاك ودعيتك
اشهق .. واناشد صورتك كل ما فقت = و ازفر .. واسامر زايرك لا انتشيتك
يا انفس كنوزي لا انتصرت وتشوقت = يا اقرب من .. اعطف لا دعاني وجيتك
غبت.. وصبرت .. وضيقتي .. ( بالفرج ضقت ) = حتى .. عطش غصن الوفاء .. واحتريتك
خويت فياض الشوق .. واسرفت و اطرقت = للي بقى حولي .. وانا اعطش سقيتك
ترحل وانا اسبر .. موكب العمر .. ما اعتقت = صوتك .. على صرخة وفاء لا افتديتك
تجفى .. واحبك ما اعذرتك ولا بقت = وافي .. وانا رغم الجفاء .. ما جفيتك
ليتك تعذر الصمت .. يرحل ليا طقت = و تُسّر لأنصت قلب .. بأطراف ( ليتك )
يكفي لك ابقى منتظر .. ما بعد رقت؟ = يكفي .. لك اطوي عالمي .. ما طويتك
يكفي .. وهن مشراف الاحلام .. واطبقت = عيني.. واردد .. ما غفلت ونسيتك
يكفي .. ترى ما عاد فيني .. تفرقت = يكفي .. ترى ضاق المكان و نصيتك
شح الوصال .. وبحَ صوتي وعلقت = عتق الحياة .. بجيتّك لا انتهيتك
وينك؟ لا تدحض وصلنا .. تفرح المقت = وينك .. و هيبة طلتك من هويتك
اقبل .. يظلك .. لحظةٍ .. لأجلها اشفقت = خذني .. وانا لهفة وله .. ما رويتك
خذني .. وطن تورق وروده ليا اشرقت = خذني .. عبق عاتق وفاء .. لا سريتك
جُود بسحابك .. وامطر الوصل لا اشتقت = كُسرت جناحين الحياة.. ونصيتك
غثني .. و بلّ الريق .. يكفي تعمقت = باقي طرف ريشه .. بصبري وجيتك
انقذ .. ملك شعب القصايد .. مع الوقت = وانقذ .. امل .. جفن ٍ كهل .. ما بكيتك
عمري .. بلا شوفك .. يرفرف ليل ضقت = خايف .. يطير .. و يفقده سوره بيتك