شبيب بن جعيلان الدغباسي و الديش
 

مساء الخير على الجميع حبيت اجيب لكم قصيدة الشيخ الشاعر المعروف / شبيب الدغباسي الذي اشتهر بالطيب والكرم وقد كتب هذي
القصيدة لما ضاع طيره الملقب بالديش وهو طير من اطيب الطيور في الجزيره العربيه الذي شاع ذكره وفعله عند الصقاقير وتضرب فيه الامثال وقد مكث 10 سنوات وكان العم /شبيب بن جعيلان الدغباسي حينما يذهب الى المقناص يكون معه 50 خوي من جميع القبايل واغلب اهل الطيور كانو يتمنون خوته............





[poem="font="Simplified Arabic,5,white,normal,normal" bkcolor="sienna" bkimage="" border="ridge,7,darkred" type=1 line=1 align=center use=sp num="0,black""]


[poem="font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]

يابوسعود الطير لو قلت هداد=ماهو امونس خاطري في هداده
لو قلت لي فرحان يطلع وصياد=مالي بغير الديش شفن وراده
وجدي على اللي ضاع بحدود بغداد=حول الجريبه في هذيك الحماده
مع ايسر الساعه وغربيها غاد=ولا هداني حروته واعتماده
طلعه اطيار وراح يتلب وطراد=وجول الحباري منه جت به شراده
واقفت معاشير الحباري وشراد=مصقره قدمه وجاهن زياده
يمن ويطردهن على طول معتاد=له فوق عشر سنين ذي فيه عاده
واحمد يقول الطير ماهوب بالاوجاد=اتلى العهد به صار كبر الجراده
كثر الصياح وشوحت اللوح مافاد= محتاج واقفى الديش طول عناده
دورت بالحروه ونشت الاجواد=وراح التعب كله على غير فاده
ومعنا تدور كل ذربين الاولاد=كلن مبدي قدرته واجتهاده
يعل يوم ضيع الديش ماعاد=ياوسع والله فرجته وابتعاده
ابيه لامن صار من بينا عناد=لوهو على الشرهين يعطى الشهاده
بين النشاما يظهر الصوت واجهاد=والصيد ونسه والمعاند اقناده
ياماحبسنا طيورهم جمع وافراد=راكد وعند الطلع مابه ركاده
مهو كذوب في طلوعه وصداد=شرن على الخرب المصودع اعفاده
لاصار وزنه طير ذوقه الانكاد=راعيه حول ضيقته في فؤاده
متعومسن يطلب من الربع الانجاد=يقول جا بطلوع طيري براده
ولاصار به تسجيل في زود الاعداد=دايم بفرز الصيد يكثر اعداده
متنومسن بالديش مانيب نشاد=مثل الزعيم اللي ثبت بالقياده
ماخاطري عقبه على الصيد منقاد=ولالي عى المقناص صبر وجلاده
لولا الجماعه قلت يالربع معواد=كلن يعود يم يمة بلاده
ياعل ماجانا عن الصيد لداد=ياالله عسا ماهو الطام وقراده
اسهيل لحق الديش يوم الهوا زاد=واللي عيونه صادت الديش صاده
من بينهم ساعه مضيعه بالاوكاد=هدت خطا والله نوا في نفاده
ماثبته دربيلنا يا ابن حماد=والفارسي طرد الحباري مراده
من اولن مع طلعت النور مداد=من عقبهم رمعت درب الفهاده
افرح على المقناص لاصرت قعاد=غديت مثل اللي سمح من جواده
قبل عليها كاسبن شقح الاذواد=واليوم رجلين ولابه احياده
والوقت لو زينلك ايام ضهاد=كم من عقيدن حوله من شداده
والطير وابن آدم مرده للانفاد=الدايم الله والفنا في عباده

اخوي سامي تسلم ع نقلك للقصه والقصيده شكراً لك

صح لسان شاعرها



وتسلم سامي عالنقل الرائع


والله يعطيك العافيه

مرحبا بالجميع وشرفني مروركم