أوصيك في حسن التعامل ولاخلاق =ادى الحقوق وبعدها تطلب احقوق
وختار من زين المواضيع ما لاق =وليا نطقت اختار لك خير منطوق
واصبر على ما صار لو الصدر ضاق=الصبر زين وكل مطرود ملحوق
صحيح نوب تشوف شي" ما ينطاق=والمشكل ان كانت من اعز مخلوق
اذا سكت امصيبت" تحرق احراق=وان قلت زت احراق واصبحت محروق
لاكن لاداعي لتكشيف الاوراق=استر وخل السر في وسط صندوق
والله هو المعبو د جياب الارزاق =اليا نواء يرزك ماعايقه عوق
واعرف تراها تختلف كل الاذواق=ولاكل مخلوق" يعوضك بمخلوق
وذا شريت وبعت في وسط الاسواق =خلك حذر لا يغشك اشريطى السوق
ون شفت لك ياصاحب العرب براق=لاتندفع وأسبابها لمعت ابروق
والبيت مايصلح بلا طنب ورواق =الطنب له تثبيت والستر بالروق