قم يانديبي وانت للشعرمرسال
 

9999bani-3abs
252252bani-3abs
655bani-3abs

هذي قصيدة للشاعر :عادل الذيابي الرشيدي وهناك عدد قصايد للشاعر في منتدي عيون الشعر لعلها تعجبكم ..................................................

قم يانديبي .. وانت للشعر مرسال
مالي ورى صبر(ن) صبرت احتمالي
ثارت ذلول الشعر ياطيب الفال = ازهم .. ومس اشدادها بأعتدالي
روح على زمل الهواجيس جمال= وقبل المغيب ..انهج وشد الرحالي
ملفاك حر(ن) منزله رؤس الاقذال= سعود ... لاجاء للمراجل مجالي
عقيد قومٍ لاتزعزع .. ولا مال = ولا ..ينحني لو جاير الوقت .. مالي
داره لعكفان الاشانيب مدهال = الطيب طبعه .. ورث عم(ن) وخالي
في مجلسه للضيف ..دله.. وفنجال = وفوق الوجار.. تفوح صفر الدلالي
نسل الصقور اللي على المرقب العال= منزالهم دايم .. برؤؤس العوالي
بني رشيد .. ان ضاق بالوقت رجال = دخيلهم ماله طليب(ن) يسالي
امجادهم تدرس .. على مرّ الاجيال = يشهد لها التاريخ .. اول.. وتالي
ربعي سلايل عبس .. ماضين الافعال = احفاد عنتر.. محتمين التوالي
يوم الفخر.. خيل .. وبواريد .. ورجال= وقفاتهم تشبه.. شموخ الجبالي
واليا اعتزوا مابين فارس .. وخيال = عدوهم .. من هول مابه ..يوالي !
عبس الفخر.. عبس الشجاعه .. والابطال = عبس الشهامه .. والكرم .. والمعالي
سلام .. يانسل الكرامه والاشبال =سلام .. يالحلحيل .. واف الخصالي
ياسعود .. همك زاد بي الف غربال = ونقض جروح الوقت .. واثر بحالي
ياصاحبي عقب البطا .. كيف الاحوال ؟= عساك في دنياك داله.. وسالي ؟
لا والذي نزل .. تبارك .. والانفال = انك على قلبي عزيز(ن) وغالي!!
انا .. حزامك لاغزاك اشهب اللال = وانا خوياك .. لا نساك الموالي
يفداك من ربعي هبود(ن) ومختال = اللي حضوره مايساوي ريالي !!
ومدام راسي شامخ(ن) فوقه عقال = يفداك رأسي ياعريب الخوالي !!
قول .. وفعل .. ماهي سواليف واقوال = ابشر بعزك ياعزيز الرجالي
الحر.. لوتقفي به سلوك وحبال = لابد .. مايرقى لرؤؤس الطوالي
اكفخ.. وعلل ضيق صدرك يالآمال = وجامل زمانك لو همومك ثقالي
واصبر عسى همك مع الوقت ينزال = وعقب الغثا.. تشرب قراح(ن) زلالي
والغربه اللي ظلمها شهور.. وليال = يدري بها منشيء حقوق الخيالي
دنياك هذي كل يومِ لها حال = ايام .. لك .. وايام .. لا لك.. ولا لي
سود الليالي مدرسة كل رجال = الله يبيض وجه .. سود الليالي !!
درست فيها انواع .. والوان ,, واشكال =و عرفت فيها من معي .. من غدالي
وميزت عطران الشوارب.. والانذال = وشربت منها كل مر(ن) وحالي
مشيت فيها بين .. طيب .. وبطّال = ومارحت احسّب وش مضى ؟؟ وش بقى لي؟
قم يانديبي .. ماورى العصر مقيال= قبل المغيب انهج وشد الرحالي

23232bani-3abs

ياصاحبي عقب البطـا .. كيـف الاحـوال ؟عسـاك فـي دنيـاك دالـه.. وسـالـي ؟
--------------------------------------------
شاعر بطل يستحق الاشادة والتمجيد صح السانه
مشكور على نقل القصيدة الرائعه

بني رشيـد .. ان ضـاق بالوقـت رجـال = دخيلـهـم مـالـه طلـيـب(ن) يسـالـي

عادل الذيابي

الله يبيض وجهك


الماجد الذيابي

الله يبيض وجهك ع النقل

وجهك ابيض وشكرااااااااااا علي المرور