ساقت الطرق الجنوبي ذعاذيع الهبوب=ياسلام الله من أبها على دار السلام
يانديمي بين غيم ونسناس لعوب=نبًه السوده وعيا من البارح ينام
ذب صوتك لاتدردى ولا تبدى هيوب=وأذكر الله لا تهوجس ولا تخشى ملام
أنت ضيف البرق وأبها وصبيان الجنوب=وين مامديت كفك يصافحك الغمام
فز..واقف وأزعج الطرق من بال طروب=لين تزهى بالقصايد ويزهاك المقام
أنت فـ أبها حادي النوق وأبها ماتتوب= من غرور ملامس المزن لشعفة السنام
ياكثر ماودها اليوم تحظنك وتذوب=لاتلوم أبها من الشوق ماتقوى الكلام
نوب يتلعثم مطرها من الفرحه ونوب=ينتشي حس الرعايد وتغريد الحمام
"يانما"مرباك غالي وملفاك محسوب=علًق الراية على صدرك وسام
أنت بين أهلك وناسك مقدر وحبوب=بين ربعٍ يعجبونك ليا أنمس الحزام
بيض الله وجه الأجواد بيضان القلوب=عد من كبًر وهلًل ومن صلى وصام

اقتباس من مشاركة مروان الرشيدي (المشاركة 1017923) صح لسااااان الزعيم ولاهنت اخوي على الطرح الرائع قصيده / رائعه وجميله تحياتي لك

اقتباس من مشاركة طيف المشاعر (المشاركة 1020566) صح لسان الزعيم شكرا أخي على هذا النقل

اقتباس من مشاركة عاشق بلا عنوان (المشاركة 1022170) لا هنت يا فهد القصبي على ابداعك للشاعر مساعد الرشيدي