نكذب الحكام والاّ الصحافــــــــه = ماتقدر تجاوب لابا الله معـــــــذور
اما انا مافيه شيءً اخافــــــــه = ان عشت من حقي واذا مت مجبور
اول مرض يثّر عليك الحسافه = واخر مرض يقدر يعالجه دكتـــــور
اذا قنعت اقنع لكن بكــــــــثافه = قناعة المستشهد بجنة الحـــــــــور
ماتحس بالراحه اذا كنت تافه = وبتحس بالراحه اذا كنت مشـــــــهور
الشيعه ترشح علي للخلافــــه = والسنه تقول الخلافه من الشــــــور
وانا اشوف ان الحقيقه خرافه = المجتمع نفسه على نفسه يثـــــــور
قصر الامير اللي وقفت بضفافه = غصنه خضر لكن من دون عصفور
ياريئس الحراس ليه الكلافه = تراك مثل الناس منهي ومامـــــــــــور
لولاي ماتدخل بقصر الضيافه = وشلون ترضالي اوقف ورى السور
ياقلب ريح نفسك من الثقافه = تبي تكون ثروه بخمسة شهــــــــــــور
بالشرق الاوسط صير عامل نظافه = ترى الوساخه عندهم لاعبه دور